E fundit!

08:30 Kosova & Bota

Vizat turistike më të shtrenjta në botë për qytetarët e BE-së

Butani, Gana dhe Nigeria u faturojnë vizitorëve më shumë p...

“Vetëm Rama dhe PS-ja mund ta ndryshojnë bujqësinë shqiptare”/ Balla replikon me Tabakun në Kuvend

3 Korrik 2025, 15:54, Politikë CNA

“Vetëm Rama dhe PS-ja mund ta ndryshojnë bujqësinë

Ministri i Shtetit, Taulant Balla, replikoi sot në Kuvend me deputeten e Partisë Demokratike, Jorida Tabaku, lidhur me gjendjen e bujqësisë në vend. Në një replikë të gjatë dhe të mbushur me tone të forta, Balla theksoi se transformimi i bujqësisë shqiptare në një sektor modern dhe europian është një mision që mund të realizohet vetëm nga kryeministri Edi Rama dhe Partia Socialiste.

“Nëse në këtë vend do të transformohet bujqësia shqiptare në bujqësi europiane, këtë e bën vetëm Edi Rama dhe Partia Socialiste. Tani, sa u përket investimeve: më shumë se 1,000 projekte, ku spikasin 400 pika të reja përpunimi dhe 120 agroturizme, me një vlerë diku te 120 milionë apo 125 milionë euro. Por ajo që na dallon është se në kohën tuaj nuk kishte asnjë agroturizëm. Kemi arritur në 300 agroturizme, falë mbështetjes së drejtpërdrejtë, dhe synimi ynë në mandatin që na besoi populli shqiptar dhe diaspora me shumicë është të shkojmë në 1,000 gjatë këtij mandati të ri. Një shifër që është më kuptimplotë, sepse në fund të fundit, fshati llafe nuk do”,-tha Balla.

Duke iu përgjigjur kritikave të opozitës për rënien e bujqësisë, Balla solli statistika konkrete, sipas të cilave eksportet bujqësore kanë arritur në 579 milionë euro në vit, trefish më shumë se në vitin 2013. Ai theksoi gjithashtu se importet e disa produkteve bazë janë ulur ndjeshëm.

“Në vitin 2024, sipërfaqja e serave në Shqipëri arriti në shifrën rekord 2,100 hektarë, ose 3 herë më shumë krahasuar me vitin 2013, kur ju u larguat nga qeverisja e vendit, u pushuat nga puna. Eksportet bujqësore në vitin 2024–2025 do të jenë edhe më të larta; kapën shifrën 579 milionë euro, ose 3 herë më shumë se në vitin 2013. Paska rënë bujqësia, edhe pse janë trefishuar eksportet bujqësore! Deficiti tregtar ka qenë 1 me 9 në vitin 2013 dhe është përmirësuar tri herë, duke shkuar në 1 me 3. Nëse në kohën e Saliut dhe të Joridës në qeveri ne importonim 9 kg domate, tani importojmë 3 kg domate – për ata që nuk e kuptojnë. Për kastravecin mund të përgjigjesh ti, unë nuk përgjigjem. Po flas për domatet! Po ja që më pyete, për kastravecin thuaje shifrën ti. Tani, sa u përket investimeve...”,-ironizoi ministri, duke iu përgjigjur batutave nga salla./CNA