web counter
LEXO PA REKLAMA!

SHKARKO APP

App Store
Google Play

E fundit!

x

Kush është informatori i pizmosur me PS-në për Fierin?

3 Korrik 2025, 13:43, Politikë CNA
Kush është informatori i pizmosur me PS-në për Fierin?
Foto ilustruese

Më shumë sesa një burim brenda PD-së, sqaron se Gazment Bardhi ka marrë indikacione nga persona të lidhur me PS-në, lidhur me pasaktësi dhe manipulime të votave për kandidatët e listës së hapur të PS-së.

Informacionet e përcjella Bardhit arrinin deri në pikën që i siguronin këtij të fundit se një rinumërim i votave të gjithë qarkut do të sillte heqjen e një mandati për PS-në në atë qark.

Burimi i informacionit duhet të ketë qenë i besueshëm për Bardhin.

Dhe për të qenë i besueshëm duhet që personi që ka komunikuar vetë, ose nëpërmjet bedelëve të vet, të ketë njëfarë rëndësie në PS.

Gjithashtu ideatori i sugjerimit duhet të ketë ditur të bashkojë me interesat e veta mllefin e Bardhit nga kandidatja që rrezikonte mandatin në rast se PS humbte një mandat. Se nuk besohet që po hidhej në zjarr për Gazin.

Këto nuk janë lojëra që bëhen rëndom, ndaj nuk mund të imagjinojmë që një person i angazhuar në nivel lokal, do të kishte guximin të bashkëpunonte me opozitën në këtë nivel.

Edhe në qoftë i tillë personi që ka kontaktuar Bardhin, ai ka pasur me siguri mbështetjen, në mos është përdorur nga një person që qëndron në nivel qendror në PS.

Është e domosdoshme për arsyetimin, që ky person të duhet të ishte i pizmosur me PS-në për listën e Fierit.

E nëse skema e shitur prej tij për Gaz Bardhin dëmtonte kandidaten e fundit të listës fituese, kjo i siguronte vënien në lëvizje të Gazit dhe PD-së për interesa të vetat. Jo për hall të PS-së!

Pas këtij arsyetimi të merremi pak me faktet!

Është fakt që Zegjine Çaushi në Lushnjë zëvendësoi deputetin e mëparshëm, Erion Braçe.

Kush është informatori i pizmosur me PS-në për Fierin?

Është fakt që Erion Braçe e përjetoi keq atë që ai në mendjen e vet mbase e quan si tallje.

E zbuan nga Lushnja dhe zëvendësuan me Zegjinenë!

PS pa të në Fier mori më shumë mandate sesa kishte marrë me të.

Askush nuk ia ndjeu mungesën.

Ky është shpjegimi i vetëm i fotos që zoti Braçe nxori sot.

Pas organit gjenital për PS-në, edhe kjo foto flet shumë!

Për PS-në dhe PD-në tregon se ç'mund të ndodhë kur Gazi dhe Erioni bëjnë "politikë"./ CNA

 





Lajmet e fundit nga