E fundit!

21:02 Aktualitet

Vrasja e efektivit/ Klodiana Lala: Duhet hetim i thelluar, kemi një dëshmor por asnjë dorëheqje

Gazetarja Klodiana Lala ka deklaruar se duhet një hetim i ...

Sondazhi/ Qytetarët: Gjykata e Lartë nuk duhet ta lirojë Veliajn

5 Korrik 2025, 11:47, Politikë CNA

Në datën 8 korrik do të mbahet në Gjykatën e Lartë seanca për kryebashkiakun e arrestuar të Tiranës, Erion Veliajn.

Kryebashkiaku Veliaj, i kapur në disa raste me korrupsion, nën akuzë për pastrim të produkteve të veprës penale, futjen e sendeve të ndaluara në qelitë e paraburgimit. Refuzimi për deklarimin, mosdeklarimin, fshehjen ose deklarimin e rremë të pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim dhe së fundi për shpërdorim detyre, ka kërkuar ndryshim të masës së sigurisë.

Pak ditë para vendimit të Gjykatës së Lartë për Veliajn, CNA ka zhvilluar një sondazh ku ka pyetur qytetarët: “A duhet Gjykata e Lartë të lirojë Erion Veliajn?”

Në këtë sondazh kanë dhënë mendimin e tyre qindra qytetarë, ku pjesa më e madhe e tyre shprehen se Gjykata e Lartë nuk duhet ta lirojë kryebashkiakun e arrestuar, Erion Veliaj.

60% e tyre japin mendimin e prerë se Veliaj nuk duhet liruar nga burgu.

33% e tyre thonë po dhe 7% japin përgjigjen nuk e di.

Sondazhi vijon ende, kështu që mund të vazhdoni të ndani mendimin tuaj duke klikuar një nga opsionet e mëposhtme.

Poll

Gjatë kësaj kohe, mediat që shërbejnë si vegël e Veliajt kanë nisur fushatën e tyre, një strategji kjo e paralajmëruar edhe nga CNA, për të bërë propagandë për Veliajn ndaj të cilit rëndojnë një sërë akuzash për disa vepra të rënda penale.

CNA përgjatë kësaj jave ka treguar se si po përdoren edhe media të huaja për propagandë për të thënë se Veliaj po mbahet pa akuzë në burg.

Por kjo strategji ka rënë poshtë, pasi vetë gazetari dhe kryeredaktori i "EU Reporter", media, e cila kishte publikuar artikullin dhe letrën e nënë Shqiponjës, e cila përmend “Kafkën”, një term i përdorur masivisht nga Veliaj siç e raportuam një ditë më parë gjatë kohës që kryente sulmet dhe kërcënimet ndaj prokurorëve dhe drejtësisë, ka pranuar se artikulli nuk është profesional dhe nuk është i bazuar në fakte, por është marrë nga një studio ligjore.