web counter
LEXO PA REKLAMA!

SHKARKO APP

App Store
Google Play

“Qeveria e paatakueshme”/ Akademiku Fuga: PD nuk është më fenomen politik

5 Korrik 2025, 10:21, Politikë CNA

“Qeveria e paatakueshme”/ Akademiku Fuga: PD nuk është

Akademiku Artan Fuga ka deklaruar se shifrat që prodhuan zgjedhjet e 11 majit tregojnë se kemi një qeveri të paatakueshme dhe një opozitë që nuk është më fenomen politik.

Në një intervistë në "A2CNN", Fuga është shprehur se qeverisja ka dalë jashtë kontrollit dhe se administrata nuk ndien më presionin e ligjvënësit, politikës.

Më tej Fuga tha se sot kemi të bëjmë me një autokraci në format më të rënda.

“Për mua, opozita në parlament, e kam fjalën për PD-në, nuk është fenomen politik. Sot në ato numra që parashikohen të jenë të PD-së, rreth 50, nuk është më fenomen politik. Dhe të mendosh që për 4 vjet të vazhdosh në këtë mënyrë, që nga ana tjetër krijon një problem të dytë që me këtë mënyrë që kemi ne të qeverisë, e bën atë të paatakueshme. Tjetër që mund ta atakojë qeverinë është shoqëria civile. Por ne nuk kemi pasi kemi një shoqëri nomade. Forcat me vitalitet kërkojnë të largohen.

Mundësia e tretë është që ta kritikojë vetë grupi i PS-së, por kjo na kthen në vitet '90. Qeverisja ka dalë jashtë kontrollit. Administrata nuk ndien presionin e ligjvënësit, politikës, të një qeverie që e ndodhur në presion do ta hedhë ndaj administratës. Me këta numra sistemi i qeverisjes do të degradojë më shumë.

Unë e kam quajtur një shoqëri autokratike. Po a është kjo një autokraci me mbështetje popullore? Po. Kjo është një ndër format më të rënda. Maja e piramidës që merr vendimin, ku nuk ka ndarje pushtetesh. Edhe mediat. Këta njerëz që votojnë për këtë pushtet, thonë patjetër që e mbështes. Këta njerëz po t’i pyesësh janë të pakënaqur me qeverisjen, ai e sheh si sillet një burokrat me të. E sheh që me mik merren vendet e punës. Ata që bëjnë sondazhe para zgjedhjeve thonë që ka pakënaqësi të madhe”, ka deklaruar Fuga./ CNA





Lajmet e fundit nga