web counter
LEXO PA REKLAMA!

SHKARKO APP

App Store
Google Play

E fundit!

x

Dorëheqjet e drejtorëve/ Rama bën “shembull” Vlorën: Është vetëm fillimi

7 Korrik 2025, 14:39, Politikë CNA

Dorëheqjet e drejtorëve/ Rama bën “shembull”

Kryeministri Edi Rama, nga Vlora, ka bërë me dije se bashkia do të konfirmojë të gjitha dorëheqjet dhe se do të hapë garën për pozicionet vakante.

Kryeministri theksoi se të gjithë janë të mirëpritur të përfaqësojnë ambicien edhe të shprehin dëshirën konkretisht, duke aplikuar.

Rama nënvizoi se ajo që ndodhi në Vlorë është vetëm fillimi dhe hapi i parë në një rrugë transformimi, ku Vlora duhet të bëhet një model i një administrate që u shërben qytetarëve dhe një model i pagjumësisë.

Më tej Rama deklaroi se të gjithë kryetarët e organizatave do të vlerësohen sipas performancës së tyre në 11 maj dhe nga ana tjetër, partia do të hapet totalisht për të sjellë prurje të reja dhe po ashtu, do të krijojë edhe grupet qytetare që do t'i bashkohen pa pasur detyrimin që të anëtarësohen në Partinë Socialiste, po për të krijuar hapësirat e diskutimeve dhe për hapësirat e dialogut për Vlorën.

“Bashkia do të konfirmojë të gjitha dorëheqjet dhe do të hapë garat dhe njëkohësisht, e njëjta gjë do të ndodhë edhe me institucionet qendrore, kështu që të gjithë janë të mirëpritur të përfaqësojnë ambicien edhe të shprehin dëshirën konkretisht, duke aplikuar.

Ajo që ne kemi bërë në Vlorë me grupin e deputetëve, që na dha edhe një rezultat shumë pozitiv, është vetëm fillimi dhe hapi i parë në një rrugë transformimi, ku Vlora duhet të bëhet një model i një administrate që u shërben qytetarëve dhe një model i pagjumësisë.

Kjo është në përgjithësi ajo që mund të them, po meqë jemi këtu, edhe meqë këtu janë edhe mediat lokale, dua të them që një kapitull i ri do të fillojë edhe për Partinë Socialiste të Vlorës, ku janë komanduar dy bashkëkryetarë të rinj, Erjona dhe Klevisi, të dy nga grupi i 11 majit, Erjona është deputete, ndërkohë Klevisi është këtu në Vlorë për të mbajtur hapur në mënyrë të pandërprerë shtëpinë e Partisë Socialiste.

Kështu që detyra e tyre është shumë e ngjashme me frymën edhe me parimet që unë përmenda. Të gjithë kryetarët e organizatave do të vlerësohen sipas performancës së tyre më 11 maj dhe nga ana tjetër, partia do të hapet totalisht për të sjellë prurje të reja dhe po ashtu, do të krijojë edhe grupet qytetare që do t'i bashkohen pa pasur detyrimin që të anëtarësohen në Partinë Socialiste, po për të krijuar hapësirat e diskutimeve dhe për hapësirat e dialogut për Vlorën.

Ne jemi shumë krenarë që ia dolëm të kemi një grup përfaqësues që praktikisht vë Vlorën mbi krahët, edhe që përfaqësohet me të dy krahët, në pikëpamje të sensibiliteteve po flasim, se të gjithë janë anëtare dhe anëtarë të grupit socialist, por nga rrugë dhe sensibilitete të ndryshme dhe të njëjtën gjë duam të bëjmë në të gjitha nivelet këtu në Vlorë, të majtë, të djathtë. Këtu s'ka të majtë e të djathtë, këtu ka parazitë, edhe ka njerëz të interesuar, të përkushtuar, edhe të gatshëm për t'i shërbyer Vlorës. Parazitët janë edhe të majtë dhe të djathtë, edhe këta të dytët që thashë janë edhe të majtë edhe të djathtë. Kështu që ne jemi me këta të dytët, prandaj jemi gjithmonë të parët.

Asnjë parazit nuk mund të pretendojë asgjë nga ne, se me demek është socialist, ashtu sikundër asnjë njeri i aftë, i dëshiruar, i interesuar dhe me ambicie nuk mund të pengohet të bashkohet me ne dhe të punojë me ne, se është i djathtë, kaq e thjeshtë është qasja që ne kemi zgjedhur dhe shpresoj shumë që me këtë qasje do të bëjnë gjëra shumë të mira për Vlorën.

Tani jam i gatshëm t'u përgjigjem pyetjeve tuaja, nëse keni natyrisht”, tha Rama./ CNA





Lajmet e fundit nga