web counter
LEXO PA REKLAMA!

SHKARKO APP

App Store
Google Play

Meta, “dhëmbë për dhëmbë” me Kryemadhin: Një përgjigje për Zeqinenë e SPAK-ut

7 Korrik 2025, 14:01, Politikë CNA

Meta, “dhëmbë për dhëmbë” me Kryemadhin:

Kreu i Partisë së Lirisë, Ilir Meta, i është përgjigjur deputetes Monika Kryemadhi pas deklaratave të saj para SPAK-ut, se Meta merr informacione vetëm për gjërat që i interesojnë grupit të tij. 

Meta e ka quajtur Kryemadhin "Zeqinenë e SPAK-ut". 

Deklarata e Metës 

Një përgjigje për Zeqinenë e SPAK-ut

Në respekt dhe përkujdesje të tre fëmijëve të mi u kisha thënë pas zgjedhjeve, që nëna e tyre të mos e përmendte më emrin tim në publik se nuk doja të merresha më me të.

Por kur të komandon halli bëhesh “Zeqine" e SPAK-ut.

Ilir Meta dhe Tedi Blushi, jo vetëm që nuk përsërisin akuzat e Altin Dumanit, por vetëm kanë çmontuar publikisht shpifjet kriminale të orkestruara nga Altin Dumani se gjoja ishin gjetur dy prova të reja, pra dy karta bankare të reja, që sipas tyre ishin përdorur edhe nga Ilir Meta, apo edhe ai ishte në dijeni.

Ilir Meta dhe Tedi Blushi u janë përgjigjur këtyre shpifjeve monstruoze që filluan me rrëmbimin tim monstruoz, me hetimin monstruoz dhe me izolimin tejet monstruoz, që nuk ka lidhje me asnjë fakt dhe provë penale për Ilir Metën.

Përkundrazi, faktet dhe provat janë fshehur deri tani për të mbuluar personat që kanë shkelur ligjet apo që kanë pasur dijeni për shkeljet e ligjeve apo që janë vërtetuar si dëshmitarë të rremë, që dihet publikisht që ishin në listat e kandidatëve për deputetë të “Rilindjes" dhe kanë punuar për “Rilindjen” me material shtrëngues.

Sigurisht edhe unë nuk dua t’i besoj, që ato që ka shkruar Altin Dumani për kartat e saj bankare dhe të Adrian Shatkut janë të vërteta, por ata i shkruajnë për të justifikuar izolimin kriminal të Ilir Metës si lider i Partisë së Lirisë.

Se po të ishin të vërteta, sigurisht që SPAK-u nuk do t'i jepte leje "Zeqinesë" të shkonte në SHBA në janar të këtij viti, ku jeton Adrian Shatku dhe janë kompanitë e lobimit që ai ka sjellë në Shqipëri, të cilat po i heton SPAK-u prej 3 vitesh.





Lajmet e fundit nga