web counter
LEXO PA REKLAMA!

SHKARKO APP

App Store
Google Play

E fundit!

x

Lirimi i Malltezit/ Berisha: Ka bërë dy vite burg politik

7 Korrik 2025, 14:22, Politikë CNA

Lirimi i Malltezit/ Berisha: Ka bërë dy vite burg politik

Kryetari i Partisë Demokratike, Sali Berisha, në një konferencë për mediat këtë të hënë, reagoi pas vendimit të GJKKO-së për heqjen e masës së arrestit në shtëpi për dhëndrin e tij, Jamarbër Malltezi.

Sipas Berishës, Malltezi ka bërë dy vite burg politik.

“Jamarbër Malltezi ka bërë dy vite i burgosur politik në shtëpi.

I burgosur politik në mënyrë absolute pa shkelur asnjë ligj të këtij shteti.

Pa shkelur asnjë rregull, asnjë standard të këtij shteti.

Me një dosje piramidë mashtrimi në të cilën i vetmi njeri, me qindra e qindra njerëz që kanë firmat në atë dosje, i dënuar nga gjykata, është Edi Rama. I dënuar me 320 mijë euro. Dhe i ka kthyer një për një Edi Rama.

I vetmi njeri që ka shkelur ligjin nga qindra punonjës që kanë firmën e tyre në atë proces, nga viti 1994 deri në vitin 2009, njeriu i vetëm që është gjetur shkelës i ligjit dhe është dënuar nga gjykata e tri shkallëve pas vitit 2013, është Edvin Ramaduro.

Pra, është mbajtur Jamarbër Malltëzi në një akt hakmarrjeje si një nga personat më të parë që u tha shqiptarëve se afera e djegësve është afera më korruptive e gjeratëhershme.

Si një njeri, zyrtar i kësaj partie, që publikoi nga viti 2014 gjer në fund, 300 e sa statuse në 'Facebook'. Të gjitha kishin në epiqendër Ramaduron apo kreun e krimit të shekullit.

Dhe për të gjitha këto, Edi Rama me mercenarët e tij si Altin Dumani, me ish-xhelatë të Sigurimit të Shtetit si Kraja, me Enkelejda Fetahun, simotrën e gjykatëses bandite të Suel Çelës, e mbajtën në hakmarrje dy vite në arrest shtëpie”, u shpreh Berisha./ CNA





Lajmet e fundit nga