web counter
LEXO PA REKLAMA!

SHKARKO APP

App Store
Google Play

Dosja "Partizani"/ Berisha, akuza SPAK-ut: Kanë fshehur dokumentet

16 Shtator 2024, 13:32, Politikë CNA

Dosja "Partizani"/ Berisha, akuza SPAK-ut: Kanë fshehur

Kreu i PD-së, Sali Berisha, në një deklaratë për mediat, ka folur për dosjen "Partizani" dhe hetimet e SPAK-ut në lidhje me këtë çështje.

Berisha ka akuzuar prokurorët e SPAK-ut se kanë fshehur dokumentet.

Sipas Berishës, ka qenë kryeministri Edi Rama, asokohe kryetar bashkie, që ka ndryshuar destinacionin nga zonë sportive në zonë ndërtimi.

“Dumani i pyetjes një milion, Kraja i policisë sekrete hoxhiste, Millonai ndrikulla e bandave të Elbasanit fshehin dokumentin zyrtar që e kanë në dosje me të cilin del që jo Sali Berisha, por është Edi Rama që ndryshoi destinacionin e zonës nga sportive në zonën ndërtimi 5 muaj më herët seç pretendon SKAP-i i partisë.

Ky është vendimi i KRRT-s, në 8 qershor 2006 është ndryshuar destinacioni.

Ky ndryshim destancioni ishte vendosur me datën 12 maj 2006 me vendim të Këshillit teknik të KRRT-së. Ajo që ishte më e veçanta e këtij vendimi është se është marrë pa asnjë kërkesë të pronarëve të tokës, apo institucioneve.

Ky vendim është marrë 10 ditë para se pronarët e tokës të lidhnin kontratë me kompaninë e ndërtimit.

Rama përcaktonte cilat çështje hynin në rendin e ditës. Destinacionin e ndryshoi me datën 12 maj 2006 në këshillin teknik të Bashkisë së Tiranës dhe më pas në KRRT.

Çfarë e detyroi Ramën të ndryshojë destinacionin pa asnjë kërkesë nga pronarët apo miratim paraprak nga institucionet që administronin zonën e dhënë?

Kurrë një kryetar bashkie nuk mund të merrte një vendim të tillë duke shkelur ligjet e këtij vendi.

A duhej pyetur për llogari të kujt e ndryshoi destionacionin Edi Rama?

Për llogari të kujt Rama ndryshoi destiancionin pa kërkesën e institucioneve përkatëse?”, tha Berisha./ CNA





Lajmet e fundit nga