web counter
LEXO PA REKLAMA!

SHKARKO APP

App Store
Google Play

Dash Shehi: Çfarë na puq e çfarë na ndan nga PD-ja e Berishës

17 Shtator 2024, 10:31, Politikë CNA

Dash Shehi: Çfarë na puq e çfarë na ndan nga PD-ja e

Kreu i LZHK-së, Dashamir Shehi, ka zbuluar se çfarë e ndan dhe bashkon grupimin e ri politik nga PD-ja e Sali Berishës.

Sipas Shehit, listat e hapura, raporti me drejtësinë dhe faktori ndërkombëtar janë tri arsyet kryesore që e ndajnë nga PD-ja e Berishës.

E vetmja gjë që i bashkon është lufta kundër qeverisë.  

“Ajo që na puq me kolegët opozitarë është lufta kundër qeverisë socialiste e korrupsionit dhe lufta kundër autokracisë së Ramës. E ka tepruar, ka krijuar një regjim. Na ndan e gjithë përqasja për sa i përket sistemit zgjedhor.

Këta zotërinjtë preferuan një formulë kompromisi me listat e mbyllura, u zunë rrugën të gjitha partive të reja të ndryshme që nuk mendojnë si këto. Dhe kjo është një ndarje e madhe. Ndarja e dytë është  raporti me drejtësinë dhe faktori ndërkombëtar. Ne nuk mund të bëjmë armik botën se bota i ka bërë disa armiq”, u shpreh Shehi në "A2".

Ndër të tjera, Dash Shehi u ka bërë thirrje për bashkim dhe grupimeve të tjera opozitare.

“Jo thjesht duhet të përfaqësohemi, por duhet të përfaqësojmë edhe ata që janë si ne. Nuk kemi mbërritur te diskutimi për partitë. Ne e kemi marrë rrugën tonë dhe do përfaqësohemi më vete, por brenda opozitës po krijohen shumë grupime.

Nuk mund të ketë 7 programe opozitare, por duhet të bashkohemi. Si do të shkojmë para qytetarit? Nuk mund të ketë 7 programe opozitare dhe 7 liderë, por po të bashkohemi dhe ta çimentojmë këtë nëpërmjet listave të hapura u jepet mundësi shumë njerëzve, jo vetëm neve që do të bëhemi nja 10 deri në fund të vitit.

Rasti më klasik do të ishte ky që një pjesë identifikohet me rithemelimin dhe Berishën dhe pjesa tjetër që nuk njeh këtë për lidership e nuk bie dakord me tezat e tyre të ketë mundësi të përfaqësohet. Brenda këtij poli opozitar të ketë dy parti ndoshta edhe tri, por të thjeshtohet skema të bëhet si në Itali, që janë 3. E njëjta situatë edhe në Shqipëri”, tha Dash Shehi./ CNA





Lajmet e fundit nga