web counter
LEXO PA REKLAMA!

SHKARKO APP

App Store
Google Play

E fundit!

x

“Opozita nuk vjen në pushtet”/ Fevziu: Gabimet fatale kanë kosto 10-vjeçare

16 Shtator 2024, 22:23, Politikë CNA
“Opozita nuk vjen në pushtet”/ Fevziu: Gabimet fatale kanë
Gazetari Blendi Fevziu

Gazetari Blendi Fevziu e sheh me skepticizëm rrotacionin politik në zgjedhjet parlamentare të 2025-ës.

Fevziu, në një studio televizive tha se opozita ka shanse të vogla që të vijë në pushtet për shkak se ka bërë gabime fatale.

Ai deklaroi se djegia e mandateve, ligji zgjedhor, bojkoti i zgjedhjeve dhe kaosi në PD janë gabime që do të kenë kosto mbi 10-vjeçare.

"Shanset që opozita të vijë në pushtet nuk më duken të mëdha. Nuk duhet t’i gjejmë arsyet vetëm në vitin e fundit. Duhet të ndajmë faktin se sa normale bëhen zgjdhjet, përdorimi i parave, bizneseve, fuqia mediatike që ka qeveria. Më parë ka patur një balancë. Mazhoranca ka një peshë dhe fuqi që nuk e ka opozita.

Opozita ka bërë gabime fatale, që do të kenë kosto mbi dhjetë vjeçare, dalja nga parlamenti, lejimi i mazhorancës për të bërë ligjin zgjedhor si do, bojkoti i zgjedhjeve lokale. PD la bastionet dhe më pas i humbi edhe në 2023. E treta, kaosi i krijuar në opozitë pas përjashtimit të Berishës nga Basha, krijoi edhe një problem që nuk rikuperohet brenda ditës. Të jemi koshientë edhe me këtë.

Problemi kryesor, Rama nuk ka përkrahjen e më shumë se gjysmës së shqiptarëve. Numri i të pakënaqurve është më i madh por nuk votojnë për opozitën”, theksoi gazetari./ CNA





Lajmet e fundit nga