web counter
LEXO PA REKLAMA!

SHKARKO APP

App Store
Google Play

Çështja "Xhaçka"/ Debate mes Bardhit dhe Spiropalit: Hodhët në erë Gjykatën Kushtetuese

17 Shtator 2024, 10:07, Politikë CNA

Çështja "Xhaçka"/ Debate mes Bardhit dhe

Ditën e sotme është mbledhur Konferenca e Kryetarëve ku ka pasur debate mes kreut të grupit parlamentar të PD-së, Gazment Bardhi dhe kryetares së Kuvendit, Elisa Spiropali.

Bardhi i është drejtuar Spiropalit se ka hedhur në erë vendimet e Gjykatës Kushtetuese.

"Zonja kryetare, ju personalisht kishit vendosur të injoronit vendimet e Gjykatës Kushtetuese. Ju jeni kryetarja e dytë që keni vendosur të hidhni në erë Gjykatën Kushtetuese, duke minuar në këtë mënyrë edhe bashkëjetesën me opozitën. Ne i jemi referuar Kushtetutës dhe drejtësisë për çështjen e mandatit të Olta Xhaçkës. Ju na e keni mohuar këtë të drejtë dhe keni grisur vendimet e Gjykatës Kushtetuese. Venecia është organ këshillimor dhe ju e dini shumë mirë se ai nuk ka efekt detyrimor. Kjo sjellje juaja rrëzon gjithë propagandën tuaj se gjasme jeni konstruktivë dhe jeni të hapur. Kjo është propagandë, pasi veprimet tuaja po na pamundësojnë detyrën. Nuk ka ndodhur kurrë që Kuvendi të mos zbatojë një vendim të Gjykatës Kushtetuese. Gjykata ju kërkoi që ta miratonit me shpejtësi pasi nuk ka kohë në dispozicion. Praktika juaj gjasme po pyesim Venecian, synon të shpëtojë mandatin me procedurë. Këtu nuk ka të bëjë me individin pasi për ne ikën një Xhaçkë dhe vjen një tjetër, këtu ka të bëjë me parimet kushtetuese.

Votimin e kishit orientuar, mos bëni sikur e latë të gjithë në dorën e deputetëve. E dinim tri orë para se si do silleshit, ca abstenim e ca kundër. Ishte orientuar grisja e vendimeve dhe shkelmimi i Gjykatës Kushtetuese. Po e përsëris, po minoni bashkëjetesën me opozitën. Opozita i është drejtuar Drejtësisë, ju nuk pyesni për vendimet", tha Bardhi./ CNA





Lajmet e fundit nga