web counter
LEXO PA REKLAMA!

SHKARKO APP

App Store
Google Play

E fundit!

x

Berisha: 6.157 qytetarët me karta të skaduara ishin votues të PD-së, Rama i ndëshkoi

4 Gusht 2024, 20:36, Politikë CNA
Berisha: 6.157 qytetarët me karta të skaduara ishin votues të
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka drejtuar gishtin nga qeveria në lidhje me përjashtimin nga votimet në Himarë të 6.157 qytetarëve, të cilëve i kishin skaduar mjetet e identifikimit.

Berisha pretendoi se këta qytetarë që nuk u pranuan ishin votues të Partisë Demokratike.

Ai tha se për këtë arsye kryeministri Edi Rama u mohoi zgjedhësve të drejtën e votimit.

Sipas tij, ky akt ishte një dënim dhe një ndëshkim për banorët e Himarës.

“Një përshëndetje u dërgoj sonte të gjithë qytetarëve të Himarës, që ushtruan të drejtën e tyre kushtetuese në një votim që vjen pas grabitjes monstruoze të mandatit të Fredi Belerit, nga Edi Rama dhe bandat e tij.

Miqtë e mi!

Sot përsëri zgjedhjet në Himarë dëshmuan intolerancën e plotë, dëshmuan krimin monstruoz elektoral, shtetëror. Dëshmuan fytyrën e vërtetë të Edi Ramës.

Sot Edi Rama ju mohoi të drejtën e votimit, e ushtrimit të të drejtës kushtetuese për votimin 6157 banorëve të Himarës se me pretekstin se atyre u kishin skaduar kartat e identitetit.

Ky dënim, ky ndëshkim i qytetarëve të Himarës, se kartat e tyre kishin skaduar ndërkohë që kishte skaduar vetëm data, por nuk kishte ndryshuar asnjë nga elementët e sigurisë që dëshmonin identitetin e qytetarit, është një akt kriminal, është një akt që fakton për të qintën herë se me Edi Ramën, zgjedhje të lira nuk ka dhe nuk do të ketë”, deklaroi Berisha gjatë fjalës në protestën e përnatshme, në rrugën “Mustafa Matohiti”./ CNA





Lajmet e fundit nga