web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj i bën Ramës 'të fortin' në Kuvend / Do të shihemi shumë shpejt

20 Tetor 2022, 23:04, Politikë CNA
Alibeaj i bën Ramës 'të fortin' në Kuvend / Do
Deputeti Enkelejd Alibeaj

Deputeti Enkelejd Alibeaj ka replikuar me kryeministrin Edi Rama për hapjen e dosjeve të bashkëpunëtorëve të ish-sigurimit të shtetit.

Gjatë fjalës në Kuvend, Alibeaj tha se nuk do ta votojë projektligjin e Qeverisë.

Ai iu drejtua Ramës duke i thënë se do të shihen shumë shpejt, pasi theksoi se ligji për spiunët do të rreshtojë në publik edhe emrat e të gjithë hetuesve të Sigurimit të Shtetit.

“Arsyeja e qëndrimit tonë në këtë çështje shumë të rëndësishme është për t'i bërë një shërbim shqiptarëve, në këtë luftë politike të brendshme. Ky ka qenë kurthi për të bërë pastrim të politikës që nuk ka shkuar asnjëherë në fund. Ka dhe disa iniciativa të tjera, të së njëjtës linjë, të së njëjtës logjikë, kemi një projektligj tjetër për ndërgjegjësimin e qytetarëve shqiptarë, për ndalimin e propagandës komuniste. Nëse voton ke dhe ti pjesën tënde për këtë gjest.

Këto janë testet që politika sot duhet të kalojë, ne për të tilla ligje që i shërbejnë shoqërisë shqiptare, vota është pro, por për ligje me porosi, ligje një person të veçantë, nuk do ta kesh asnjëherë. Të them dhe një gjë tjetër, ai neni ka dhe një dispozitë tjetër, rreshtimin total të të gjitha emrave, të të gjithë hetuesve të Sigurimit të Shtetit. Këtu do jemi dhe do të shihemi shumë shpejt.”, theksoi deputeti./ B.A. – CNA.al





Lajmet e fundit nga