web counter
LEXO PA REKLAMA!

SHKARKO APP

App Store
Google Play

E fundit!

x

Rama ironizon Metën për dosjen e spiunit/ Larg qoftë të jetë ai I.M.-ja

20 Tetor 2022, 22:54, Politikë CNA
Rama ironizon Metën për dosjen e spiunit/ Larg qoftë të
Kryeministri Edi Rama

Kryeministri Edi Rama ka ironizuar kryetarin e Partisë së Lirisë, Ilir Meta, për dosjen e spiunit I.M. gjatë fjalës së tij në Kuvend pak minuta më parë.

Rama tha se dosjet duhet të hapen që të lehtësohen të gjithë duke mësuar se kush është në të vërtetë spiuni I.M.

Kreu i qeverisë deklaroi se shpreson se spiuni I.M. të mos jetë Meta, pasi theksoi se është ulur në të gjitha karriget e posteve të larta.

“Dalin këtu njerëz që nuk kanë lidhje dhe flasin sikur u ka rënë mbi kokë gjithë halli i komunizmit. Këtë do e shijonte sekretari i parë i partisë, sekretari tjetër që mori partinë tjetër që sot është 'non grata'. Komunizmi ka vdekur, ka shumë kohë që ka vdekur. Ajo që vazhdon jeton është pjella e ligë e komunistit antikomunist. Si frymë dhe si qasje që torolis gjithë dynjanë, jo po lustracioni, ndërkohë që këtu është shumë e thjeshtë, hiqet një pengesë dhe këtyre personaliteteve shtetërore u hapen dosjet, të cilat u janë mbajtur mbyllur në kohën e SHIK-ut, e dini se për cilin flas, i kanë ndarë punët.

I kanë mbuluar ata që i duheshin për të krijuar këtë vorbullën. Prandaj është shumë e thjeshtë, ne këtu që të kujtojmë pse kemi ardhur, në këtë proces na solli shtetasi I.M. Doli një I.M., u mbush dynjaja me fjalë. U pa që nuk merreshe dot vesh se kush është ky I.M., a është ai që u shkon mendja për keq. Është shumë thjesht, u zbulua apo jo që ka një pengesë për shtetasin I.M. Të hapet gjithë kjo kategori dosjesh dhe të lehtësohen të gjithë.

Ku ta gjejmë që të marrim një përgjigje lehtësuese dhe larg qoft që shtetasin I.M. e kemi pasur 30 vjet 'merre e ngjite' ku ka pasur vend në piramidën shtetërore. Sekretar shteti, ulu, kryeministër, ulu, kryetar ulu. Larg qoftë të jetë ai. Kështu që është shumë e thjeshtë. Kjo është një tjetër arsye për ta parë se kush është kush në këtë teatër të madh. E para, non-grata bashkë me krahun radikal antijuridik, nuk është këtu në sallë. Të gjithë kanë marrë arratinë. Kanë shumë arsye. E dyta, si mund t’i thuhet shqiptarëve luftojmë për dinjitet, kur vetë i shmangesh një ballafaqimi të thjeshtë me të vërtetën", nënvizoi Rama./ B.A. – CNA.al





Lajmet e fundit nga