web counter
LEXO PA REKLAMA!

SHKARKO APP

App Store
Google Play

Balluku, thirrje opozitës/ Bëhuni pjesë e fushatës për kursimin e energjisë

20 Tetor 2022, 16:21, Politikë CNA
Balluku, thirrje opozitës/ Bëhuni pjesë e fushatës për
Zv/kryeministrja dhe ministrja e Energjisë dhe Infrastrukturës, Belinda Balluku

Zv/kryeministrja dhe ministrja e Energjisë dhe Infrastrukturës, Belinda Balluku, ka bërë një thirrje për opozitën gjatë fjalës së saj në parlament.

Balluku tha se në vend të kritikave, opozita duhet të bashkohet me Qeverinë për të bërë një fushatë për kursimin e energjisë.

Gjithashtu, ajo nuk i ka kursyer as ironitë, teksa deklaroi se nëse kjo krizë do të kishte ndodhur në kohën kur opozita ishte në pushtet, sot njerëzit do të ishin në çadra.

"Kemi nisur një fushatë për kursimin e energjisë. Nga thirrjet ndaj qytetarëve deri te vendosja e paneleve diellore. Bëhuni pjesë e fushatës për kursimin e energjisë. Do ishte mirë të dalim të gjithë bashkë për t’u bërë thirrje qytetarëve për të kursyer energji. Në vend që të dilni këtu që të gënjeni mendojeni njëherë të dalim bashkë dhe t’u kërkojmë familjarëve të kursejmë. Sot më shumë se çmimi është problem gjetja e sasive energjetike.

Nuk ka asgjë të keqe t’u thoni fëmijëve të fikin dritat, të mbyllin derën e frigoriferit dhe të ulin kondicionerin në 21 gradë. Kjo është qeveria që ka menaxhuar krizat. Prit o zot kiametin të kishit qenë ju këto katër vite. Sot do kishin qenë njerëzit akoma në çadra. Çfarë do kishte ndodhur nëse do kishit qenë ju në krye në kohën e pandemisë. Një sfidë me jetën dhe vdekjen. Çfarë do kishte ndodhur nëse do ishit ju në kohën e krizës energjetike. Do kishit ulur automatin dhe do e kishit lënë vendin në errësirë. Shqipëria do të bëjë më të mirën të investojë. Keni gjithë ditën që flisni dhe dezinformoni. Ky është një moment solidariteti”, theksoi ministrja./ B.A. – CNA.al





Lajmet e fundit nga