web counter
LEXO PA REKLAMA!

SHKARKO APP

App Store
Google Play

Vëllai i Sokol Olldashit i përgjigjet Berishës/ Basha të erdhi në zyrë duke qarë

19 Tetor 2022, 21:46, Politikë CNA

Vëllai i Sokol Olldashit i përgjigjet Berishës/ Basha të

Ardian Olldashi, vëllai i Sokol Olldashit i është përgjigjur mbrëmjen e sotme kryetarit të PD-së Sali Berisha, i cili tha dy netë më parë se Olldashi ishte më epror se Lulzim Basha, por bëri gabim me formulën që zgjodhi.

Ardian Olldashi pretendon se Berisha nuk po thotë të vërtetën. Ai deklaron se në darkën e 26 qershorit të 2013-ës, Basha ka shkuar në zyrën e kreut të PD-së dhe është konsultuar me të për tu tërhequr nga gara e lidershipit të demokratëve.

Sipas tij, Berisha ka telefonuar çdo kryetar nëpër rrethe dhe i ka kërcënuar ata që të mbështesin Lulzim Bashën.

“Nuk është e vërtetë! Ti e di mirë që Koli fitonte me çdo formulë. Të mërkurën në darkë, pra në datën 26.06.2013 Basha të erdhi në zyrë gati duke qarë dhe u këshillua me ty për një tërheqje të mundshme të tijën. Për ç‘arsye? Për arsyen se të dhenat që vinin e jepnin Kolin në avantazh. Ti ke marrë personalisht në telefon pothuajse çdo kryetar nëpër rrethe. Natyrisht jo për t’i uruar natën e mirë, sepse në fakt ishte darkë, por për t’i kërcënuar me shprehje që më mirë mos t’i përsërisim. Ty dhe jo vetëm ty të vjen spontanisht pyetja: Nga i ditkam unë këto gjëra? I di nga ata që atë darkë ishin prezent në zyrën tënde.

Fatkeqësisht politika është i vetmi zanat për të cilin nuk bëhet shkollë. Rezultatet duken”, shkruan Ardian Olldashi./ B.A. – CNA.al





Lajmet e fundit nga