web counter
LEXO PA REKLAMA!

SHKARKO APP

App Store
Google Play

Kreditë e buta në Tiranë/ Veliaj: Prioritet, familjet në nevojë

19 Tetor 2022, 18:30, Politikë CNA
Kreditë e buta në Tiranë/ Veliaj: Prioritet, familjet në
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj ka folur për kreditë e buta për familjet e Tiranës gjatë mbledhjes së Këshillit Bashkiak.

Veliaj tha se nga 727 aplikime, 459 familje dhe çifte të reja në Tiranë do të kenë mundësi, që përmes programit të kredisë së butë, të marrin një shtëpi.

Ai deklaroi se Bashkia e Tiranës do t’i japë prioritet familjeve në nevojë.

“Nga thirrja e këtij viti janë deklaruar të rregullta 727 aplikime. Jemi në një stinë lufte, inflacioni dhe krize. Siç qeveria po ndihmon shtresat në nevojë, pensionistët, ndihmën ekonomike, pagesën e aftësisë së kufizuar, detyra jonë është, sidomos me familjet e reja, me studentët apo me abonentët e UKT, të bëjmë tonën, për aq sa të zgjasë kjo krizë. Edhe gjatë pandemisë dhe pas tërmetit prioritet mori ndihma ndaj atyre që kanë një nevojë në situatë krize. Por, nuk do t’i lemë pas dore edhe investimet, me shtrimin e rrugëve, mbjelljet etj. Thjesht u kemi dhënë prioritet shtresave në nevojë. Për këto 459 familje të reja i kemi gati që sot, që të deklarohen fitues, ndërkohë që 268 të tjerë ne do t’i kemi në një listë pritje”, u shpreh kryebashkiaku.

Më tej, Veliaj theksoi se për 52 familje në nevojë do të ketë subvencione të qirave për një vit.

“Një vendim tjetër ka të bëjë me sumbvencionet e qirave, për të gjitha familjet në nevojë të cilat nuk e përballojnë dot qiranë e tregut. Unë besoj se sidomos në këtë kohë kur janë rritu aq shumë... Bëhet fjalë për nëna të cilat kanë vetëm një kryefamiljare nënë, familje të cilat kanë nevojë.

Duam që këtë vit të ndihmojmë 52 familje në nevojë dhe t’ua paguajmë qiranë, që i shtohen listës që ne tashmë kemi në qiratë bashkiake. Pra kohëzgjatja është një vjeçare, pastaj do të rishikojmë  më tej”, nënvizoi ai./ B.A. – CNA.al





Lajmet e fundit nga