web counter
LEXO PA REKLAMA!

SHKARKO APP

App Store
Google Play

“Nuk i dihet nëntorit”/ Zheji i "frikësohet” vendimit të Gjykatës për bashkimin e PD-së

19 Tetor 2022, 14:45, Politikë CNA

“Nuk i dihet nëntorit”/ Zheji i "frikësohet”

Artur Zheji është shprehur se Partia Demokratike është në hapat e parë drejt bashkimit.

Analisti cilëson se Berisha duhet të tregohet më i drejtë në raport me aleatët, pasi sipas tij, kreu i PD-së po kërkon që t’i vendosë vetë gjithë kandidatët e zgjedhjeve lokale.

Në analizën e tij Zheji shprehu gjithashtu edhe një tjetër skenar, duke thënë se nëntori është i paparashikueshëm, pasi gjykata mund të vendosë që t’ia japë logon e PD-së Enkelejd Alibeajt, vendim ky i cili do të sillte zhvillime të reja në politikë.  

Ndërsa sa u takon protestave analisti thotë se duhet të kishin filluar më parë, pasi protestat janë ato që unifikojnë opozitën.

“Nëse ulet në negociatë, secili ulet në kushte të barabarta. Unë mendoj që të dy palët brenda PD-së janë në fillimet e veta për bashkimin. Berisha ka filluar primaret dhe pastaj si aleati tjetër që është Partia e Metës do të ngelet me kandidatët që i jep ti? Në nëntor mund të ndodhë një gjë që Gjykata ia jep logon Alibeajt.

Duhet të krijojë një logo Berisha që të hyjë në zgjedhje. Vetë Berisha ka thënë se opozita pa protesta rrezikohet shumë. Shtatori dhe tetori ikën dhe protesta nuk ka. Dikush e pengon. Në luftë e sipër krijohet më kollaj ngjizja e palëve. Paloka njihet për natyrë radikale nuk e di nëse është i përshtatshëm për negociata”, tha Zheji për "News24"./CNA.al





Lajmet e fundit nga