E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Erla Mëhilli, kundër primareve/ "Dyshoj te bashkimi real i PD-së"

19 Tetor 2022, 13:52, Politikë CNA

Erla Mëhilli, kundër primareve/ "Dyshoj te bashkimi real i

Moderatorja e emisionit "Now", Erla Mëhilli, gjatë një inerviste për "Report TV", ka folur lidhur me primaret që pritet të zhvillohen në Partinë Demokratike.

Mëhilli shprehet se nuk është pro primareve, duke i cilësuar ato si një humbje kohe për opozitën në këto kushte që ndodhet.

Në fjalën e saj Mëhilli shprehet se bisedimet e zhvilluara mes palëve nuk janë të sinqerta, dhe se dyshon te një bashkim real i Partisë Demokratike.

Në përfundim të argumentit të saj për primaret ajo shprehet se primaret janë një konsumim energjie të brendshme, ndërkohë që PS ka nisur me fushatën.

Pjesë nga biseda:

"Erla Mëhilli: Ka një problem. Ka një pjesë të tyre e duan bashkimin, por ka dhe një pjese tjetër demokratët çfarë nuk kanë dëgjuar. Njëra palë që i thotë palës tjetër “llum” “Peng” “non-grata”. Nuk e kanë shumë të thjeshtë ta kapërcejnë, nuk e kanë të thjeshtë as të kapërcejnë 8 janarin. Pra edhe nëse do të ketë një bashkim, tek i cili unë dyshoj fort, që do të ketë një bashkim real. Do të ishte një bashkim mekanik, pragmatik dhe kam dyshime që ky bashkim do të arrihet.

Po të kemi parasysh edhe deklaratat e ndryshme që bëjnë deputetët nga të dyja palët. Unë kam pasur në studio nënkryetarin e parlamentit, z.Gjekmarkaj. Zoti Bardhi u shpreh që me Sali Berishën që ai është “non-grata” ai nuk ka ndryshuar asgjë.

Gazetari: Këto janë takime kot sa për të thënë që u bënë?

Erla Mëhilli: Po, nëse duam ta thjeshtjmë kjo është situata. Të dyja palët në sytë e demokratëve, njëra palë do të heqë vëmendjen nga humbja që do pësojnë, pala tjetër do thonë në e bëmë tonën, por nuk deshi pala tjetër. PD-ja nuk i ka kushtet për të bërë primaret në kushtet në të cilat është. Më duket një energji e humbur kot.

Pavarësisht se PS, e cila ka 9 vite në pushtet, me gjithë ato skandale të njëpasnjëshme, për të cilat jemi të vetëdijshëm, me gjithë këtë krizë energjitike, që mund të mos jetë përgjegjësi e gjitha e qeverisë, mund të jenë pasojë e luftës, duket se janë alternative e vetme. Pavarësisht kësaj kanë nisur fushatën shumë më përpara, janë disa hapa para opozitës, ndërsa opozita në vend që të merret me këtë konsumon energji të brendshme."/CNA.al