E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

“Do primaret e Berishës, por edhe bashkëpunimin me SHBA-në”/ Fatmir Mediu, përballë zgjedhjeve vendore

19 Tetor 2022, 09:23, Politikë CNA

“Do primaret e Berishës, por edhe bashkëpunimin me

Fatmir Mediu, kreu i Partisë Republikane, po vijon takime me struktura të partisë së tij në kuadër të zgjedhjeve vendore 2023.

Takimin e fundit e ka mbajtur në Shkodër, ku Mediu me anë të rrjeteve sociale, ka përcjellë disa mesazhe.

Sipas tij Opozita duhet të dalë vetëm me një kandidat të përbashkët për kryetar bashkie.

Ai shprehet se është pro primareve që organizon Partia Demokratike.

“Opozita duhet të dalë vetëm me një kandidat të përbashkët për kryetar bashkie. Zgjedhjet paraprake(Primaret) të hapura ose sondazhi janë mënyra për të zgjedhur një kandidat konsensual dhe me mbështetje qytetare.

E djathta ka si rrugë të domosdoshme rimëkëmbjes së saj garën si në këshillat bashkiake ashtu edhe në zgjedhjet parlamentare”, shkruan Mediu.

Sipas tij, e djathta nuk ka nevojë më shumë për numra partish, por identitet të qartë politik e cila bazohet në besimin në Zot, familjen dhe kombin.

Më tej Mediu sheh si të nevojshme për përshirjen e të rinjeve në Opozitë.

“Opozita duhet të ketë qëllim ndërtimin e shtetit dhe jo thjeshtë pushtetin.

Opozita ka sot të nevojshme dhe të domosdoshme përfshirjen në politikën shqiptire të qindra të rinjëve dhe të rejave, profesionistë, pedagogë e shkencëtarë që jetojnë jo vetëm në Shqipëri, por vecanërisht në Amerikë, Kanada, Britani dhe Europë”, shkruan Mediu.

Ndër të tjera Mediu e vë theksin edhe te bashkëpunimi me ndërkombëtarët me BE-në dhe SHBA-në edhe pse kreu i PD-së, Sali Berisha, është "non grata" nga Amerika dhe udhëheq partinë më të madhe opozitare në vend.

“Opozita që frymëzoj Shqipërinë Europiane dhe bëri Shqipërinë vend anëtar të NATOs duhet të ridimensionojë mardhëniet dhe partneritetin në qasje aktive dhe të organizuar me BE dhe SHBA si në dhe politikat rajonale.

Korrupsioni qeveritar, krimi i organizuar mund të mposhten jo thjesht nga një bashkim arithmetik i opozitës por bashkimi dhe frymëzimi rreth vlerave më të mira shqiptar”, shkruan Mediu./CNA.al