web counter
LEXO PA REKLAMA!

SHKARKO APP

App Store
Google Play

Rama, mesazh të koduar/ 'Mos harroni porosinë e fundit'

18 Tetor 2022, 21:02, Politikë CNA
Rama, mesazh të koduar/ 'Mos harroni porosinë e fundit'
Kryeministri Edi Rama në Përmet

Kryeministri Edi Rama ka dhënë një mesazh të koduar pak më parë në rrjetet sociale.

Rama ka publikuar një video nga një takim që ka zhvilluar në Përmet dhe u rikujton të vetëve porosinë e fundit, pa e zbuluar se për çfarë bëhet fjalë konkretisht.

“Ishte ditë e bukur falë Përmetit, që ka marrë një nur të veçantë (normal që ka kaluar 60 mijë turistë deri tani dhe hotelet e bujtinat plot), falë punëve të bukura të Almës dhe Denisave të saj, bisedave me përmetarët, qytetarëve fisnikë që na u bashkuan në takimin e madh pasdite apo në mbrëmjen frymëzuese me Krenaritë e Komunitetit që mbylli ditën e gjatë, po padyshim edhe falë grupit të asamblesë socialiste të Përmetit e Këlcyrës, që e përshëndes me këtë video për gjithë socialistët e zonës, përfshirë edhe ata Tepelenës.

Faleminderit

*dhe ju grupi mos harroni porosinë e fundit”, shkruan kreu i qeverisë.

Ndërkohë, në video dëgjohet të krahasojë kryebashkiaken e Përmetit, Alma Hoxhën me tërmetin.

“Tërmeti, tërmeti, po ky është Përmeti. Se ka tërmet, por ka edhe Përmet. Publiciteti i tërmetit, Alma e Përmetit”, thekson Rama./ B.A. – CNA.al





Lajmet e fundit nga