web counter
LEXO PA REKLAMA!

SHKARKO APP

App Store
Google Play

E fundit!

x

“Primaret të panegociueshme”/ Vokshi për zgjedhjet vendore: Rama po ndjen rrezikun

19 Tetor 2022, 20:18, Politikë CNA
“Primaret të panegociueshme”/ Vokshi për zgjedhjet
Deputetja demokrate, Albana Vokshi

Deputetja demokrate, Albana Vokshi, ka deklaruar se primaret janë të padiskutueshme dhe të panegociueshme.

E ftuar në emisionin "Radari Informativ" ka tehksuar se nuk ak arsye për skepticizëm pasi nuk do të jenë Sali Berisha dhe Enkelejd Alibeaj ata që do të vendosin por do të jenë anëtarët dhe simpatizantët ata që do të përcaktojnë kandidatët.

“Vullneti është që ne të jemi bashkë. Shpresoj shumë që kjo të arrihet. Nuk kemi çfarë të negociojmë sepse nuk negociohen parimet. Nëse të gjithë jemi për interes të demokratëve, atëherë të jemi të gjithë bashkë. Çfarë do negociojmë parimet? Parimi kryesor është vota. Le t’ia lëmë votës.

Për sa kohë nuk do jetë vendim i forumeve drejtuese atëherë le t’ia lëmë votuesve. Të gjithë duhet të jenë të përfshirë, është e hapur. Të ulemi dhe të flasim. Si do hyhet në primare, cilët janë kandidatët që do hyjnë në primare. Primaret janë përbashkuese”, tha Vokshi.

Më tej anëtarja e Këshillit të PD-së, në lidhje me atë që pjesë e primareve do të jenë edhe simpatizantëttë cilët do të votojnë.

Ajo u shpreh se risku ekziston por PD guxon dhe fiton.

“Duhet të dalim përtej mureve të anëtarësisë. Ai që mund të jetë i mirë për anëtarësinë mund të mos jetë i mirë për votuesit. Të gjithë mund të regjistrohen si simpatizantë. Nëse nuk e duan Edi Ramën janë të mirëpritur të vijë të regjistrohen.  Do kalojnë në kryesi kandidaturat, do ketë një lloj seleksionimi nga ana e kryesisë. Regjistrimi u vendos që të bëhet tek seksioni dhe grup seksioni sipas neneve të Kushtetutës”, u shpreh Vokshi.

Kryetarja e LDGSH, theksoi se Rama ka nisur furnizimin e sistemit të patroanzhistëve pasi e sheh rrezikun dhe e sheh që PD është më e organizuar dhe më e fortë.

“Ka vijuar të furnizohet. Nëse ka një gjë që Rama nuk ka reshtur është furnizimi i sistemit të patronazhimit. E sheh rrezikun, e shikon se PD është më e organizuar dhe më e fortë. Edi Rama e ndjen që ne si PD kemi lëvizur dhe jemi të gatshëm për të hyrë nëpërmjet primareve me kandidatët më të mirë fitues për bashkitë. Rama ka vetëm një seri bajat dhe të përsëritur të premtimeve të pambajtura më parë”, tha Vokshi ./ CNA.al

 





Lajmet e fundit nga