web counter
LEXO PA REKLAMA!

SHKARKO APP

App Store
Google Play

E fundit!

x

Shehu: Fjalimi i Ramës ishte pocaqi/ "Egërsohet" Balla, merr në mbrojtje kryeministrin

20 Tetor 2022, 10:19, Politikë CNA

Shehu: Fjalimi i Ramës ishte pocaqi/ "Egërsohet" Balla, merr

Kuvendi i sotëm ka nisur me përplasje. 

Deputeti Tritan Shehu, gjatë fjalës së tij në Kuvend, u shpreh se fjalimi i kryeministrit Edi Rama në KiE, ishte "pocaqi", si dhe tha se ai fjalim ka dëmtuar Kosovën. 

Deputeti i PS-së, Taulant Balla, mori fjalën dhe iu kundërpërgjigj Shehut, pasi kryeministri vetë ndodhet në konferencën ndërkombëtare në kuadër të 30-vjetorit të Gjykatës Kushtetuese. 

Pjesë nga debati:

Shehu: Fjalim pocaqi i kryeministrit në Këshillin e Europës, i cili më shumë dëmtoi Kosovën dhe proceset e saj të anëtarësimit. Pa goditur gjenocidin serb në Kosovë çdo veprim tjetër është i kotë.

Balla: Kush është fjalimi pocaqi? Të zhbëjmë atë që keni bërë ju me në krye Sali Berishën? Të pastrojmë imazhin e copëtuar të Shqipërisë se në xhepat tuaj kanë hyrë rublat ruse që në 2008-ën. Është faji juaj që kur u depozitua rezoluta mbi të cilën lindi rezoluta e Dick Marty-t dhe e miratuat në OKB. Turp nuk keni?! Si keni guxim?!

Si ka mundësi që merrni guximin të bëni këtë kur duhet të kërkoni falje? Është fakt që PD-ja në pushtet bashkë me LSI-në e Ilir Metës në koalicion, në vitin 2011, 4 ditë pasi vratë popullin opozitar në shesh, vratë një rezolutë. E turpshme. Si ka mundësi që PD-ja ende nuk sqaron këtë rrjedhë logjike? Duhet të dish, nuk ka Kuvendi i Shqipërisë asnjë detyrë tjetër sesa të zhbëjë atë tradhti që i ke bërë ti, por ishte vetëm në 2009 se të hoqën, por Saliu në radhë të parë. Thirre, shko zgjoje nga gjumi, të vijë këtu e të japë llogari se si një rezolutë të iniciuar në Moskë, PD-ja, qeveria shqiptare e drejtuar nga PD-ja as nuk e ka kundërshtuar. Përkundrazi, për turpin tuaj historik e keni votuar.

Dua t’ju them që Kuvendi është investuar në një prej dokumenteve më të rëndësishme dhe gjej rastin të falënderoj kolegët e PD-së që e mbështeten dhe t'u bëj apel të gjithëve që në të gjitha delegacionet parlamentare. Fjalimi i Ramës ishte gjëja e duhur në vendin e duhur se Shqipëria nuk është më vend i dorës së dytë. Të fokusohemi te rezoluta që kemi miratuar në Kuvendin e Shqipërisë. Mirëpres dhe angazhimin e kolegëve të opozitës./CNA.al





Lajmet e fundit nga