web counter
LEXO PA REKLAMA!

SHKARKO APP

App Store
Google Play

Astrit Patozi ngre aludimet/ Bashkimi i PD-së mund të mos ndodhë, po bëhet teatër

20 Tetor 2022, 22:30, Politikë CNA
Astrit Patozi ngre aludimet/ Bashkimi i PD-së mund të mos ndodhë,
Ish-koordinatori i Bindjes Demokratike, Astrit Patozi

Ish-koordinatori i Bindjes Demokratike, Astrit Patozi, ka ngritur aludimet se bashkimi i Partisë Demokratike mund të mos ndodhë.

Patozi tha në "Klan News" se më shumë po bëhet teatër dhe një lojë hileqare nga të dyja palët.

“Unë kam përshtypjen se më shumë po bëhet teatër se ka sinqeritet. Atmosfera është e tillë që duket se të dyja palët po bëjnë një lojë hileqare me njëra-tjetrën. Problemi i tyre është se kush e mban faturën e atij që nuk deshi të bashkohej. Demokratët kërkojnë të bashkohen qoftë edhe mekanikisht. Bashkimi mund të mos ndodhë dhe nuk është fundi i botës”, u shpreh ai.

Më tej, ish-deputeti zbuloi strategjinë e Berishës me negociatat që po bën me grupin e Enkelejd Alibeajt.

“PD po vuan hezitimin që pati për t’u ndarë. Nëse PD do të ndahej që në fillim kur nisi pa shkuar tek kundragazi, te gazi lotsjellës, PD mund të ishte më e madhe dhe më e fortë duke qenë e ndarë në 2 entitete politike. Kur them PD kam parasysh demokratët, elektoratin që voton kundër Ramës, nuk kam parasysh partinë e Berishës apo partinë e Lulzim Bashës.

Të dyja bashkë do të bënin më shumë se një parti e vetme. Sali Berisha po kërkon të ketë një parti të vetme dhe po përpiqet që këto t’i lodhë. Këta të tjerët e ndiejnë këtë punë dhe duan të mbijetojnë. Këta e dinë se po u futën tek vatha e tij, ata shuhen”, theksoi Patozi./ B.A. – CNA.al





Lajmet e fundit nga