Asgjë e re nga Bardhi dhe Paloka/ Po bashkëpunojmë për rrëzimin e Ramës

20 Tetor 2022, 22:14, Politikë CNA

Asgjë e re nga Bardhi dhe Paloka/ Po bashkëpunojmë për

Foto ilustruese

Deputeti i grupit përçarës të Alibeajt, Gazment Bardhi, dhe i mandatuari i Sali Berishës, Edi Paloka, kanë përsëritur deklaratat e tyre se po përpiqen të gjejnë rrugën e bashkëpunimit për të dalë me një kandidat të vetëm në zgjedhjet lokale dhe për të rrëzuar kryeministrin Edi Rama.

Gjatë një prononcimi në emisionin "Opinion", Bardhi tha se arsyeja që i pengon të bashkohen është një konflikt që vijon prej një viti për çështje të shumta të PD-së.

“Ka një konflikt që vijon prej një viti për çështje të shumta të PD.

Qëllimi i bisedimeve është si të gjejmë rrugën e duhur që demorkatët në njësitë vendore të jenë bashkë dhe të bashkëpunojnë.

Vota mund të përacktojë kandidatët e një partie politike. Zgjedhjet lokale kanë një specifikë që bëhet për zgjedhjet e liderave lokalë. Kandidati mund të jetë një person që del përtej një partie politike.

Ka çështej të tjera që na ndajnë. Unë e shoh ndryshe të ardhmen e PD, drejtimin e PD.

Ka çështje që do të vazhdojnë të na ndajnë në diskutimet tona brenda PD por përpara kemi një betejë me kundërshatrin tonë të vetëm Edi Rama”, tha Bardhi.

I pyetur nëse bëhet fjalë për bashkim apo për ngecje të faturës së humbjes njëri-tjetrin, Bardhi tha:

"Kur flas për bisedime i referohem kësaj pyetje që drejtoni. Duke besuar që është e vetmja rrugë për të përballur Ramën në zgjedhjet lokale kam konstatuar se e njëjta qasje është edhe prej tij".

Ndërsa në lidhje me këtë pyetje Paloka përgjigjet:

"Siç e përmendi dhe zoti Bardhi këto bisedime që po zhvillojmë kanë objektiv konkret daljen në zgjedhje me një kandidat të përbashkët.

Ne duhet të përcaktojmë modalitete si të arrijmë në këtë pikë. Për të dalë në një kandidat fitues.

Vullneti politik është ne jemi brenda një partie nuk jemi dy parti, po të ishim dy do të ishim në bisedime aleatësh", tha Paloka./ CNA.al