web counter
LEXO PA REKLAMA!

SHKARKO APP

App Store
Google Play

Akuzat e Berishës për Gonzaton/ Reagon Marta Kos: Sulm i papranueshëm

6 Nëntor 2025, 18:54, Politikë CNA

Akuzat e Berishës për Gonzaton/ Reagon Marta Kos: Sulm i

Sot kreu i PD-së Sali Berisha gjatë fjalës së tij në Kuvend është shprehur se projektligji për barazinë gjinore në Shqipëri është një direktivë e Ambasadorit të BE-së, Silvio Gonzato.

“Ambasadorit të BE i them kaq, zotëri ne absolutisht ne respektojmë orientimin seksual të gjithsecilit, por përpjekjet tua për t’i imponuar shoqërisë shqiptare standarde të përkatësisë së shumëfishtë gjinore, të gjinisë në diversitet të gjerë, përveç asaj binare, dhe i them këtu, edhe në statusin tënd je binar.

Nuk merremi ne me trajtimin, ka fëmijë, ka pasur grua, ka marrë vendimet e tij më pas, siç e ka shpjeguar, se nuk dua të merrem me jetën e tij personale fare. Kështu që ligji nuk ka asgjë të përbashkët. Le t’u thotë shqiptarëve se cila direktivë e BE bën fjalë për përkatësi të shumëfishtë gjinore. Të dalë, ta nxjerrë aty”, tha Berisha.

Pas kësaj deklarate ka reaguar Komisionerja për Zgjerimin e BE-së, Marta Kos, e cila është shprehur përmes një postimi se ligji për barazinë gjinore nuk është kërkesë private e ambasadorit, por është pjesë integrale e ligjit të BE-së.  Kos e ka quajtur këtë një sulm të papranueshëm.

“Barazia gjinore dhe mosdiskriminimi janë pjesë integrale e ligjit të BE-së. Përputhja me të është pjesë e procesit të anëtarësimit në BE. Kjo nuk është një kërkesë private e Ambasadorit të @EUinAlbania. Çdo sulm ndaj tij është i papranueshëm”, shkruan Kos./ CNA





Lajmet e fundit nga