E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Viktimizimi i Gjicit, lavazh i neveritshëm social

29 Qershor 2023, 14:00, Opinione Laureta Roshi

S’ka Opozitë reaguese, reagojmë në kafe për pas ngjarjes!!! Shumë mirë bëri kushdo që e tronditi dukjen e rreme me publikimin e videos dhe boll u morët me Almën e porositësit e vërtetë apo hipotetikë, lërjani hetimit!

Është perversitet mendor ta quash Gjicin viktimë! Edhe kur të paguajnë apo do të mbysësh frikën e skandaleve të tua, sikur të fshehura.

Sado lekë të jepen që skandali i neveritshëm të harrohet, ngarja do zbehet për pornografinë, por jo për pyetjen: Pse na servirni të sukseshëm Gjicat?

Përfytyrimi rimodelon mendimin: Çfarë do të ndodhte sikur muret e ca zyrave të ishin transparente!!

Të jenë të tejdukshme ato takimet, takime me sekretare në prani të çdo mysafiri a vizitori në zyrën e shtetit e çdo bisedë të shënohet, e zgjidhja të delegohet nga kompetenca e numrit 1 :)) për te drejtoritë përkatëse! Mbase dëgjojmë sërish zërin e medias për sjelljet e njohura abuzive që përherë mbulohen nga skandali i radhës,,,

Për sa kohë edhe njerëzit abuzivë i vesh me pushtet Gica abuzues do prodhojë moçali ynë ku dëgjohet e vetmja lutje “bukën tonë të përditshme falna Zot”.

Shuumë mirë bëri A.K., që e filmoi, edhe që e publikuan!!! Në fund të fundit mori atributin e medias, të ne gazetarëve që mund të komentojmë rehatshëm, por që nuk guxojmë të ndëshkojmë duke dhënë fakte asnjë abuzues, as të bëjmë publikisht pyetjen: Si u bë normë abuzimi dhe nëpërkëmbja e dinjitetit njerëzor?

E mos më thoni fare që ajo Aja kështu e ashtu! E rritur është A. K., e bëri sipas mënyrës së saj, rrugën e zgjodhi me risk paragjykimin dhe heshtjen tonë! A. K. kaloi çdo kufizim dhe kontroll mediatik dhe tregoi një monstruozitet që e fshehim si shoqëri. E përflasim kafeve diçka po nuk guxojmë të forcojmë viktimat dhe ato të denoncojnë. A. K. bëri atë që dhjetëra rrëfime mikesh apo të njohurash nuk kanë guxuar. Nuk kanë guxuar se nuk do arrinin asgjë përveç lakimit apo humbjes së punës, apo konfliktit familjar.

A. K. veproi publikisht, e tronditi publikun po në fund të fundit i la pa gjumë ca të tjerë që i zhveshin vartësit jo vetëm gratë dhe vajzat nga çdo reagim apo e drejtë mbrojtjeje. Sistemi i klabëzyer në vese po njeh vetëm mekanizmin shantazh publik/ vepër penale po zgjidhja e vetme!!!

Heshtim ne “të pafuqishmit”, ndihen jo mirë zyrtarët që janë po aq gica sa Gjici, edhe ata pseudoburra që marrin njerëzit në punë në fillim në “provë”, dhe kur karma i ka ndëshkuar me aksidente e kanë fshirë dhe emrin e viktimës nga kronikat e zeza. Kur viktima ia kalon tutorit ndodh të rrëzohet ndonjë gic.

Për rastin Gjici NUK PO DËGJOJMË NDJESË PUBLIKE nga ata që zgjodhën dhe ofruan Gicin! Që e bënë nga një njeri të rëndomtë në një sigël partie x - në model të zgjedhuri vendor me një sigël tjetër të fuqishme politike. Kështu Gici u shfaq si i duhuri!

Njoh dhjetëra drejtore Zonja dhe drejtorë Zotërinj, po edhe ata heshtin. Foli një deputete në komisionin e medias për skandalet abuzive në RTSH, po përgjigjja që dha rrëshqitësi vemje u bë titull në portale jo pyetja e saj.

Publiku mbetet nën presion, lavazh social i përditshmërisë, se në këtë kazan llokocitemi me jelek shpëtimi Heshtjen!

Meritokracia, ndershmëria, përzgjedhja, karriera vit pas viti, deri kamera në trup të zyrtarit… shaka po bëj, shaka!!!