KAMALA ISHTE E DISIPLINUAR NË STRATEGJINË E SAJ, GAZETARI I "FOX NEWS", JO!

18 Tetor 2024, 09:01, Opinione Robert Papa

KAMALA ISHTE E DISIPLINUAR NË STRATEGJINË E SAJ, GAZETARI I "FOX

Strategjia e Kamalës te "Fox News": Mos iu përgjigj të gjitha pyetjeve.

Kjo ishte strategji e mirë sepse do detyronte gazetarin ta ndërpriste. Kamala donte që ai ta ndërpriste. Ai nuk qe i pasjellshëm, por e ndërpreu. Kamala atë donte, të thoshte fjalinë e parapëlqyer "Lërmë të mbaroj. Po flas unë."

Kjo tregonte se ajo nuk ishte e frikësuar. Ajo ishte në kontroll. Akuzoi Trumpin. Ajo foli 17 minuta, 8.5 minuta vetëm duke denigruar Trumpin. Pra gjysma e intervistës. Asgjë e re: "Fashist. Do dërgojë trupat t'ju arrestojë." Nuk kishte asnjë pyetje rreth Trumpit. Gazetari ishte i detyruar t'ia bënte sërish pyetjet sepse "Fox News" është 95% prorepublikan. Shikuesit donin që ai ta "mbyste" Kamalën, por ai vetëm e ndërpreu kur fliste.

Brair nuk qe i përgatitur si të përballej me përbuzjen që Kamala ka për "Fox News", deri në urrejtje. Kjo ndihej haptas. Gazetari duhej të improvizonte. "Zonjë e kuptoj se nuk do të përgjigjesh. Le të bëjmë një pyetje tjetër." Pra, të mos e lejonte të vazhdonte me akuza ndaj Trumpit.

Ofendoi "Fox News" duke shkuar 15 minuta me vonesë. E bëri me qëllim. Ajo e dinte se nuk do t'i përgjigjej asnjërës pyetje.

Nuk tregoi entuziazëm dhe foli fjali të mësuara përmendsh. Gazetari bëri 10 pyetje duke folur 11 minuta. Nuk diti ta zbulonte me klas mediokritetin e saj. Kamala nuk tha asnjë fakt. ZERO! Braier nuk e zbërtheu dot.

Unë personalisht u ndjeva, si çdo votues, i ofenduar. Përgjigju pyetjeve "Zonja Gallatë". Nuk është platformë politike," do jap 25 mijë dollarë për çdo blerës shtëpie për herë të parë. Është fantazi.

Ja 10 pyetjet që ajo nuk iu përgjigj asnjërës:

1.Sa emigrantë të paligjshëm keni kapur dhe i keni lënë të lirë nëpër Amerikë gjatë 3.5 viteve?

2.A jeni penduar që ndaluat politikat që emigrantët e paligjshëm të ktheheshin në Meksikë?

3.A i kërkoni falje familjes së Riley dhe familjeve të tjera, fëmijët e të cilave u vranë nga emigrantët e paligjshëm?

4.Keni thënë që kufiri është i sigurt, kur menduat se u bë një problem krize?

5.A vazhdoni të mbroni mendimin tuaj se qeveria duhet të paguajë operacionet për ndryshim gjinie për të burgosurit dhe emigrantët e paligjshëm?

6.Pse shumica e amerikanëve i besojnë Trumpit më shumë se juve për ekonominë?

7.Ju nuk jeni as Trump, as Biden, a ka ndonjë gjë që do e bëje ndryshe?

8.Slogani juaj "Koha të kthejmë fletën". Jeni 3.5 vjet në pushtet, prej kujt do e ndërroni fletën?

9.Kur e mësove së pari që aftësitë mendore të Bidenit po degjeronin?

10.Çfarë do t'u thonit kritikëve se administrata nuk po reagon ndaj Iranit dhe ju thoni se Irani është kërcënimi më i madh ndaj botës?/ CNA