web counter
LEXO PA REKLAMA!

SHKARKO APP

App Store
Google Play

E fundit!

x

Kush ishte Francesco Nuti/ Sukseset dhe problemet shëndetësore që e larguan nga filmi

12 Qershor 2023, 21:00, Kulturë CNA

Kush ishte Francesco Nuti/ Sukseset dhe problemet shëndetësore që

Bota e artit humbi sot regjisorin dhe aktorin e famshëm italian, Francesco Nuti.

Ai u nda nga jeta në moshën 68 vjeçare në një klinikë në Romë, pas një beteje të gjatë me sëmundjen.

Regjisori është një nga arstitët më të dashur për publikun, ndonëse ishte larguar prej shumë vitesh nga skena për shkak të gjendjes së tij shëndetësore.

Francesco Nuti lindi në Prato më 17 maj të vitit 1955. Debutimin e tij të parë si aktor ai e bëri kur ishte ende student me monologët e tij.

Asokohe, Nuti u pikas nga Alessandro Benvenuti dhe Athina Cenci dhe me regji të Benvenutit ai punoi për herë të parë në kinema në “AdOvest di Paperino”, në vitin 1981, nga ku vijoi të korrte sukses.

Kush ishte Francesco Nuti/ Sukseset dhe problemet shëndetësore që

Pasi braktisi treshen, ai filloi karrierën e tij solo si skenarist dhe protagonist në disa filma me regji të Maurizio Ponzit.

3 filmat që i dhanë kthesë në karrierë ishin “Puppe a pera”, “Io, Chiara e lo Scuro” dhe “Unë jam i lumtur” (1983). Më shumë famë ai fitoi në filmin e dytë me rolin e Francesco Picciolit, me të cilin fitoi çmimin “David di Donatello” dhe Shiritin e Argjendtë për aktorin më të mirë kryesor.

Në vazhdën e suksesit të arritur, Nuti bëri edhe debutimin e tij në regji me "Casablanca Casablanca", ku fitoi për herë të dytë çmimin “David di Donatello”. 

Gjithmonë interpretues i filmave të tij, e shpeshherë edhe autor i skenarit, Nuti i qëndroi besnik një komedie delikate.

Më vonë, ai iu përkushtua edhe muzikës dhe në vitin 1988 mori pjesë në Festivalin e Sanremos me këngën "Sara per te".

Kush ishte Francesco Nuti/ Sukseset dhe problemet shëndetësore që

Megjithatë karrierën artistike nuk e mbylli këtu, pasi filma të tjerë të Nutit ishin edhe "OcchioPinocchio", "Il Signor Quindicipalle", "Io, Chiara e lo Scuro", "Casablanca Casablanca", "Io amo Andrea" dhe interpretimi i fundit skenik ishte "Concorso di guilt" në vitin 2005.

Kriza pas suksesit të madh

Rënia e suksesit në fund të viteve 1990, e pakrahasueshme me sukseset e dekadës së mëparshme, bëri që Nuti të përjetonte depresion të thellë dhe të kishte probleme me alkoolin. Mediat italiane raportojnë se në vitin 2003 ai kreu një tentativë për vetëvrasje.

Kush ishte Francesco Nuti/ Sukseset dhe problemet shëndetësore që

Por fati i solli një të papritur të hidhur. Në prag të rikthimit të tij në xhirime, më 3 shtator të vitit 2006, ai u rrëzua nga shkallët e shtëpisë së tij, goditi kokën dhe pësoi hematoma në kokë dhe dëmtime të rënda neurologjike, gjë që e dërgoi në koma. Ai u zgjua më 24 nëntor të 2006-ës, por humbi aftësinë e të folurit dhe mbeti i paralizuar.

Në janar 2016, Nuti u vu në kryeqendër të kronikave në media, pasi kujdestari i tij 35-vjeçar gjeorgjian u akuzua se e keqtrajtonte.

Një vit pasi ngjarja bëri bujë, gjeorgjiani u arrestua me akuzën se ishte pjesë e një bande bashkatdhetarësh që vidhnin dyqane. 

Në shtator të të njëjtit vit, ai u shtrua në spital për një hemoragji cerebrale dhe që prej asaj kohë gjendja e tij shëndetësore nuk ka qenë e mirë. Sot Francesco Nuti u nda nga jeta, por i la një pasuri të madhe artit dhe botës së filmit./ CNA.al





Lajmet e fundit nga