web counter
LEXO PA REKLAMA!

SHKARKO APP

App Store
Google Play

E fundit!

x

Theu rekorde në peshëngritje/ Sot, 36 vite pa sportistin e njohur Aleksandër Kondo

1 Maj 2023, 14:41, Kulturë CNA
Theu rekorde në peshëngritje/ Sot, 36 vite pa sportistin e njohur
Aleksandër Kondo

Si, sot 36 vite më parë, sportisti dhe rekordmeni i peshëngritjes, Aleksandër Kondo humbi jetën në një aksident tragjik automobilistik në Quens New York të SHBA-së.

Kondo u arratis nga Shqipëria në majin e vitit 1985, duke qëndruar në Jugosllavinë e asaj kohe, pas kthimit të ekipit kombëtar nga Kampionati Europian i Peshëngritjes që ishte zhvilluar ato ditë në Poloni.

Theu rekorde në peshëngritje/ Sot, 36 vite pa sportistin e njohur

Aleksandër Kondo ishte pjesëtar i ekipit të peshëngritjes “Dinamo” të Ministrisë së Punëve të Brendshme (ku asokohe shërbente si ushtaraku i lartë në Gardën e Republikës, edhe i ati), dhe gjithashtu i ekipit kombëtar, i cili në ato kohë, falë edhe vlerësimit dhe trajtimit të diferencuar që i bënte regjimi komunist në fuqi disa sporteve të rënda, kishte arritur rezultate të larta edhe në arenën ndërkombëtare.

Theu rekorde në peshëngritje/ Sot, 36 vite pa sportistin e njohur

Emri i Aleksandër Kondos si sportist filloi të bëhej gjithnjë dhe më i njohur, sidomos pas rezultateve të tij të larta të arritura në vitin 1984, në Pallatin e Sportit “Partizani” të kryeqytetit, kur ai fiksoi shifrat 200 kg (në stilin e shtytjes) duke elektrizuar mijëra sportdashës, (atë ditë më shumë spektatorë ishin jashtë pallatit të sportit sesa brenda tij), të cilët nën duartrokitjet e shumta, nuk largoheshin nga sheshi para pallatit, pa e parë nga afër atë djalosh, që i kishte mahnitur me rezultatet dhe performancën e tij.

Theu rekorde në peshëngritje/ Sot, 36 vite pa sportistin e njohur

Që nga ajo kohë, Aleksandër Kondo, pothuajse u kthye në një mit në Tiranë dhe Shqipërinë e asaj kohe, pasi rezultatet e tij erdhën gjithnjë e në ngritje, jo vetëm në kampionatet kombëtare, por edhe në arenën ndërkombëtare ku ai vazhdimisht kishte rezultate të larta.

Theu rekorde në peshëngritje/ Sot, 36 vite pa sportistin e njohur

Por shumë e shumë më tepër nga kjo periudhë kohe kur Aleksandër Kondo, ishte në kulmin e karrierës, emri i tij u bë edhe më i njohur dhe filloi të diskutohej në mbarë vendin, në fundin e majit të vitit 1985, kur gjatë një aktiviteti ndërkombëtar në kuadrin e Kampionatit Europian të Peshëngritjes që zhvillohej në Varshavë të Polonisë, (ku ai ngriti 210 kg.) Kondo nuk u kthye më në Shqipëri, por së bashku me shokun e tij të ekipit, shkodranin Xhelal Sukniqin, nga Mali i Zi shkuan në Beograd, në pritje për të fituar azilin politik për në SHBA./ CNA.al

Theu rekorde në peshëngritje/ Sot, 36 vite pa sportistin e njohur





Lajmet e fundit nga