E fundit!

17:29 Kosova & Bota

Hetimi zbulon dështimet e Britanisë gjatë pandemisë së Covid-19/ U shpërdoruan rreth 10 miliardë paund për pajisje mbrojtëse

Një hetim për menaxhimin e pandemisë Covid-19 në Mbretërin...

Eru, një penel ndryshe!/ Nga Boris Miska

26 Prill 2023, 22:02, Kulturë Boris Miska

Era Xinxo çeli dje ekspozitën e saj të parë me piktura në një nga pavionët e Muzeut Historik Kombëtarë. Mora emocione të dyfishta, sepse aty kupton që po vjen një krijuese e re, me shumë temperament, njëkohësisht piktorja ësht? vajza e miqve të mi, Sonelës dhe Ardianit.

Bijë e dy prindërve intelektual, ajo lindi prej një terreni që mbart jo vetëm talentin por edhe vullnetin për të arritur diku.

Më kanë tërhequr vizatimet e para të Erës fëmijë sepse aty shikoje jo vetëm botën e çiltër të moshës por edhe ‘rebelizmin’ e të qenit ndryshe. Tek vizatimet në letër gjeje figurën dhe mendimin, prekje distancimin nga ngjyrat e tepruara dhe largimin prej vijave ‘korrekte’ imitimeve, apo kopjimeve që ndesh rëndom tek çdo fëmijë.

Sot Era vjen e pjekur, ka një emër të sajin, kërkon vend në artet figurative, plot dinjitet dhe vërtetësi.

Eru, një penel ndryshe!/ Nga Boris Miska

Eru vizaton sytë e njerëzve, ndalet shumë aty, vëzhgon thellë, prek dhimbjen, trishtimin, habinë, frikën, shpresën, dashurinë, varfërinë, dritën, moshën, ngjyrën, mendimin.

Arrin t’i lexojë sytë sepse, siç thotë ajo; ‘ ato nuk genjejnë kurrë’, janë të sinqertë, pasqyrojnë ngjyrat e shpirtit.

Në morinë e telajove plot kolorit, kornizave me shkëlqim, peizazheve e portreteve që sundojnë kudo, në dallim prej tyre, tek piktura e Eru gjen të ndryshmen, një zë të veçantë, plot dinjitet, penelin dhe lapsin që me siguri po deputon me guxim në botën magjike të artit.

Përqafime Eru dhe bekimin për një rrugëtim të suksesshëm.