web counter
LEXO PA REKLAMA!

SHKARKO APP

App Store
Google Play

E fundit!

x

Ikonë e teatrit dhe kinematografisë shqiptare/ Margarita Xhepa feston sot 89-vjetorin e lindjes

2 Prill 2023, 12:35, Kulturë CNA
Ikonë e teatrit dhe kinematografisë shqiptare/ Margarita Xhepa feston
Ikona e Teatrit dhe Kinematografisë shqiptare, Margarita Xhepa

Ikona e Teatrit dhe Kinematografisë shqiptare, Margarita Xhepa, feston sot 89-vjetorin e lindjes.

Margarita Xhepa u aktivizua fillimisht në Estradën e Shtetit dhe më pas në Teatrin Popullor. Spikati në plejadën e kohës përmes interpretimit të rolit të Ofelisë të tragjedisë shekspiriane “Hamleti”, vënë në skenë në vitin 1960 prej regjisorit rus Bortko.

Në skenën e teatrit, Xhepa ka luajtur mbi 150 role, mes të cilave veçojmë: Ledi Milfordin në dramën “Intrige e dashuri” (F. Shiler), Melën në dramën “Morali i zonjës Dulska” (G. Zapolska), Dafinën në dramatizimin e romanit “Lumi i vdekur”  (J. Xoxa) dhe nënën në inskenimin e romanit të Kadaresë, “Kush e solli Doruntinën”.

Ikonë e teatrit dhe kinematografisë shqiptare/ Margarita Xhepa feston

Në vitin 2007 iu dha “Çmimi i Karrierës” për rolin e Nadjezhnës në monodramën “Kënga e mjellmës” së Çehovit. Krahas teatrit, Xhepa është shfaqur në ekranin e filmit me një galeri të larmishme prej 31 rolesh.

Disa prej personazheve që interpretoi mjeshtërisht janë Zyraka te “Vitet e para” (1965), Shano te “Dimri i fundit” (1976), pianistja te “Koncert në vitin 1936 (1978) dhe Lena te “Tokë e përgjakur” (1976).

Xhepës i është akorduar gjithashtu edhe titulli “Artiste e Popullit”.

Ikonë e teatrit dhe kinematografisë shqiptare/ Margarita Xhepa feston

Disa nga filmat në të cilët ka luajtur aktorja Margarita Xhepa

"Në kërkim të kujt" (2011), serial

"Tingulli i heshtjes" (2010) telenovela

"Kronikë provinciale" (2009)

"Ne dhe Lenini" (2008) - Beti

"I dashur armik" (2004) - Nëna e Harunit

"Mirupafshim" (1997)

"E diela e fundit" (1993)

"Një djalë edhe një vajzë" (1990) - Mësuese Kristina

"Vitet e pritjes" (1990) - Nëna e Helenës

"Kush e solli Doruntinën" (1989) Nëna e Kostandinit dhe Doruntinës

"Pesha e kohës" (1988) - Gruaja e Kryetarit

"Pranvera s'erdhi vetëm" (1988) Nëna e Irenës

"Misioni përtej detit" (1988) - Kristulla

"Rrethi i kujtesës" (1987) - Tefta

"Fillim i vështirë" (1986) Shoqja e Zanës

"Gabimi" (1986) - Mësuesja

"Gurët e shtëpisë sime" (1985) - Gruaja e Fane Mërtirit

"Militanti" (1984) - Nëna e Visar Shundos

"Apasionata" (1983) - Nëna e Arturit

"Dora e ngrohtë" (1983) - Nëna e Besimit

"Shokët" (1982) - Nëna e Gencit

"Dita e parë e emërimit" (1981) - Drita

"Me hapin e shokëve" (1979) (TV) - Mamaja e Gonit

"Dollia e dasmës sime" (1978) - Nëna e Belës

"Gjeneral gramafoni" (1978) - Zonja e Prefektit

"Koncert në vitin 1936" (1978) - Eleni Jankollari

"Dimri i fundit" (1976) - Shano

"Pylli i lirisë" (1976) - Nënë Katja

"Tokë e përgjakur" (1976) - Sandra

"Gjurma" (1970) - Violeta

"Vitet e para" (1966) - Zyraka





Lajmet e fundit nga