LEXO PA REKLAMA!

SHKARKO APP

“Veprat e tij nuk mund të harrohen”/ Agim Xhafka përkujton ikonën e artit korçar, Dhimitër Orgockën

3 Janar 2023, 09:24, Kulturë CNA
“Veprat e tij nuk mund të harrohen”/ Agim Xhafka përkujton
Ikona e artit korçar, Dhimitër Orgocka

Gazetari Agim Xhafka ka përkujtuar një nga ikonat e artit korçar, Dhimitër Orgockën.

Përmes një statusi në rrjetet sociale, Xhafka shkruan për jetën e Orgockës, duke treguar se u bë pjesë e artit që në moshën 15 vjeçare, si një kërcimtar.

Ai e përshkruan Dhimitër Orgockën si një karakter të fortë që përveç dashurisë për artin bënte edhe punë fizike.

Xhafka, ndër të tjera shkruan se Dhimitër Orgocka do të mbetet një diamant, pasi veprat e tij do të mbeten të paharrueshme.

Si sot një vit më parë u shua regjisori Dhimitër Orgocka. Ikonë e artit korçar,por dhe atij kombëtar. Një karakter i fortë që u ndesh dhëmb për dhëmb me jetën. E nisi si kërcimtar në moshën 15 vjeçare,nuk rreshti në dekada si aktor skene dhe filmi e mbi të gjitha si regjisor. Hera-herës si punëtor ngarkim-shkarkimi kur egërsohej lufta e klasave.

Teatri Çajupi ka plot diamantë,por Taqka qe më rrezatuesi,nga që pati plot prodhim dhe jetëgjatësi në skenë.

Te varrezat e Korçës atë ditë u dëgjua muzika. Binte fizarmonika dhe klarineta. E kishte lënë amanet Dhimitri përcjelljen me kaba.

“Veprat e tij nuk mund të harrohen”/ Agim Xhafka përkujton

Unë që e njoh mirë atë ikjen me melodi e shpjegoj prej Dhorës,prej dashurisë së madhe të tij. Dhorkën e rrëmbeu para shumë vitesh një sëmundje e rëndë dhe Dhimitri atë ditë u përgjysmua. Jetonte veç si artist,se ashtu i dukej që Dhorën e ndeshte çdo ditë,ndërsa si njeri hyri në korridorin e errësirës. E nga intervistat që jepte,nga gulçi se,askush nuk më pret te dera,e kishte si një lutje zotit ta çonte te dashuria e vet. Punonte dhe shpresonte të fluturonte atje lart,te ai ylli atje ku e priste ajo. Kaq dëshirë të fuqishme e kish sa kërkoi,më përcillni me kaba,me fizarmonikë e klarinetë. Si përcjellja e nuseve kur dalin nga shtëpia. Qajnë për nënën e babain,po u rregëtin zemra nga lumturia që po shkojnë te krahët e fuqishëm të burrit.

Vjet varrezat në Korçë jetuan një çudi që s’qe çudi. U përcoll me kaba Dhimitër Orgocka. Qe vdekje e kollajshme,e tërhoqi ëmbël andej matanë gruaja e tij artiste. Ashtu si Romeon që dashuria për Zhuljetën e çoi te gota e helmit për t’u shtrirë të dy te i njëjti varr...

Lamtumirë usta! Kalofsh mirë andej se këndej ke lënë aq vepra sa nuk mund të harrohesh…”, shkruan Agim Xhafka./ CNA.al

Lajmet e fundit nga