web counter
LEXO PA REKLAMA!

SHKARKO APP

App Store
Google Play

E fundit!

x

82 vite pa At Gjergj Fishtën/ Bujar Leskaj e përkujton me fjalimin e intelektualit shkodran

30 Dhjetor 2022, 17:37, Kulturë CNA
82 vite pa At Gjergj Fishtën/ Bujar Leskaj e përkujton me fjalimin e
At Gjergj Fishta

Deputeti i Partisë Demokratike, Bujar Leskaj ka përkujtuar At Gjergj Fishtën në 82 vjetorin e humbjes së jetës.

Me anë të një statusi në rrjetet sociale, Leskaj kujton me sa nderime u përcoll për në banesëne fundit “Homeri shqiptar”.

Ai ka nderuar kujtimin e At Gjergj Fishtës me një pjesë të fjalës së intelektualit Hafiz Ali Kraja.

“82 vjet më parë, në 30 dhjetor, 1940 ndërroi jetë Homeri shqiptar, At Gjergj Fishta.

Në varrimin e tij morën pjesë personalitete të Shkodrës dhe gjithë Shqipërisë. At Gjergj Fishta u varros me nderime të mëdha më 31 dhjetor të vitit 1940.

“Poet kombëtar, Patër Gjergj!

Kur nji orator, tue dasht me folë mbi veprat tueja, rrin shtang, hutohet, pse janë shumë, janë të mëdhaja edhe të madhnueshme, aq sa asht e vështirë me caktue se për të cilën duhet të flitet…

82 vite pa At Gjergj Fishtën/ Bujar Leskaj e përkujton me fjalimin e

Shkrimtarët e ardhshëm të historisë shqiptare jetën politike tanden do ta gjykojnë në bazë të “Lahutës së Malcisë”, kryevepra jote monumentale.

Të jesh i bindun, o Poet i Madh se shqyptari me “Lahutën e Malcisë” ka për të qenë gjithmonë kryenaltë siç janë helenët me Iliadën e persjanët me Shahnamen, mbasi Ti, me atë vepër të naltë i ke njoftue botës së qytetnueme psihikën e karakteristikat ma të ndieshmet e popullit shqiptar…

Me ty, Patër Gjergj, kombi shqyptar mburret, naltësohet edhe madhënohet para popujve të tjerë, prandaj sot krejt populli shqiptar të përulet, djelmnia intelektuale vajton humbjen Tande e me lot ndër faqe të përcjell me mallënjim e dhimbje në jetën e pasosme”.

Fjala e Hafiz Ali Krajës, njëri ndër intelektualët e famshëm myslimanë të qytetit të Shkodrës në ceremoninë e varrimit të klerikut të shquar.

Është një ndër fjalimet më të bukura të mbajtura në raste të tilla edhepërfaktin se mbahet nga një hoxhë në varrimin e një prifti katolik.”, shkruan Leskaj./ B.A. – CNA.al





Lajmet e fundit nga