Kultura flet përmes njerëzve që prodhojnë/ Dy shkrimtarët britanikë promovojnë dy librat e tyre në Tiranë

3 Dhjetor 2022, 21:40, Kulturë Kastriot FRASHËRI

Kultura flet përmes njerëzve që prodhojnë/ Dy

Promovimi i Librave ne Tiranë nga dy autorët britanikë

Dy shkrimtarë britanikë që prej vitesh jetojnë në Prishtinë, Robert Wlton dhe Elizabeth Gowng, kanë bërë promovimin e dy librave të tyre në Tiranë.

Libri "No Man’s Lands: eight extraordinary Women in Balkan history" është një përmbledhje esesh nga të dy autorët. Ata në këtë liber rrëfejnë historitë e tetë pionerëve si individë, të zgjedhur nga një për secilin vend të rajonit, dhe kështu duket se ata po ndriçojnë përvojën e grave në kohën e tyre si dhe sfidat e vazhdueshme për shoqerinë tonë.

Ndërsa libri tjetër "Bolsheviks at the Ballet" është argëtimi me i ri në serinë ‘Xhentëlmeni aventurier’ të romaneve historike, plot me mistere dhe humor.

Përtej veprimtarisë së tyre letrare gjej rastin të theksoj se puna e dy miqve tanë britanikë nuk shtrihet vetëm në krijimtarinë letrare, por edhe në promovimin e kulturës dhe trashëgimisë sonë kombëtare, si dhe në mbështetjen e njerëzve në nevojë.

Vetë angazhimi i gjatë i zonjës Gowing duke themeluar një organizate humanitare "TheideaPartnerShip" në Kosovë flet qartë për një dashuri të madhe dhe pa kushte ashtu si dhe Roberti ndaj shqiptarëve për të cilën ne duhet tu jemi mirenjohës përjetë.

Kjo nuk është hera e parë që të dy personalitetet britanike, zonja Gowing dhe zoti Wilton futen në një sipërmarrje të tillë që tejkalon botën e letrave, si një letërsi e mirëfilltë, por edhe si një shërbim i shquar ndaj albanologjisë.

Ndërsa festojmë me respekt 100 vjetorin e vendosjeve të marrëdhënieve diplomatike ndërmjet Shqipërisë dhe Mbretërisë së Bashkuar nuk mund të mos ndihemi krenarë për urat e vendosura të miqësisë dhe prezencën britanike në Shqipëri.

Promovimi i sotëm në Tiranë e dëshmoj edhe një herë qartë se lidhjet tona ndërkulturore ndërmjet Mbretërisë së Bashkuar dhe Shqipërisë në një mjedis ku kultura flet përmes librit dhe njerëzve që prodhojnë histori dhe kulturë tregoj edhe një herë atë traditë të lashtë dhe të konsoliduar të udhëtarëve britanikë që fillon nga Edward Leer, Bajroni, M. E. Durham, Elizabeth Carnavon, Aubery Herbert, Margaret Hasluck etj., për të ardhur në ditët tona me të tjerë si Elizabeth dhe Robertin, Michael J Gunn, etj. Tradita vazhdon!