web counter
LEXO PA REKLAMA!

SHKARKO APP

App Store
Google Play

E fundit!

x

‘Shenjë imoraliteti, fyerje’/ Kokonozi i zemëruar, çfarë ndodhi në Panairin e Librit që revoltoi shkrimtarin

26 Nëntor 2022, 14:06, Kulturë CNA
‘Shenjë imoraliteti, fyerje’/ Kokonozi i zemëruar,
Gazetari dhe shkrimtari Dashnor Kokonozi

Gazetari dhe shkrimtari, Dashnor Kokonozi, ka shprehur zemërimin e tij, për atë që ndodhi me shkrimtarin Virion Graçi, të cilit iu hoqën librat nga stenda e Panairit të Librit, këtë vit.

Kokonozi përmes një reagimi në rrjetet sociale e ka cilësuar këtë veprim si një shenjë e dukshme imoraliteti.

Sipas tij kjo është një fyerje e madhe, por duket se ajo që e zemëron më tepër shkrimatrin është mosreagimi ndaj këtij veprimi.

"Shenjë e dukshme imoraliteti…

Është hera e parë që largohem me një ndjenjë të keqe zemërimi nga Shqipëria. Kjo për shkak të asaj që i ndodhi shkrimtarit Virion Graçi. Pa asnjë lloj shpjegimi, botuesi i tij ia hoqi të gjitha librat nga stenda e Panairit të këtij viti.

Nuk e di çfarë mund të ketë fyerje më të madhe!

Kurrë nuk kam dëgjuar që kjo t’i ketë ndodhur qoftë edhe një mitomani a grafomani me të cilët ishin mbushur gjysmat e stendave të Panairit.

Ja, pra që i ndodhi njërit prej shkrimtarëve dhe intelektualëve më të mirë shqiptarë.

Është e pabesueshme, por më i pabesueshëm ishte reagimi i intelektualëve dhe shkrimtarëve shqiptarë.

Ne poshtërsisht nuk e hapëm gojën. Librat tanë iu paraqitën vizitorëve të shumtë dhe lexuesve të paktë dhe një kënaqësi kaq langaraqe përligjte heshtjen.

Nuk patëm kurajën të protestojmë.

Nuk gjetëm guximin të tërheqim librat tanë nga Panairi për të shprehur mosaprovimin tonë për një gjest aq të ulët!

Kjo është thjesht shenja e dukshme e imoralitetit tonë. Jo më e madhja. Por që  në mënyrën edhe kjo shpjegon mjerimin e thellë të atij vendi!", shkruan në reagimin e tij Dashnor Kokonozi./ CNA.al





Lajmet e fundit nga