web counter
LEXO PA REKLAMA!

SHKARKO APP

App Store
Google Play

UNESCO rekomandon shpalljen e Luginës së Vjosës, Rezervat Biosfere

27 Maj 2025, 09:53, Kulturë CNA

UNESCO rekomandon shpalljen e Luginës së Vjosës, Rezervat

UNESCO ka rekomanduar zyrtarisht që Lugina e Vjosës të shpallet Rezervat Biosfere.

Lajmi është bërë i ditur nga ministrja e Turizmit dhe Mjedisit, Mirela Kumbaro. Në një status në rrjetet sociale, Kumbaro shkruan se Vjosa është modeli i zhvillimit të qëndrueshëm.

Më tej ministrja shkruan se në shtator të këtij viti pritet miratimi nga Këshilli i Rezervateve të Biosferës të UNESCO-s për përfshirjen e Vjosës në listën e pasurive botërore.

 

“Ditë të mbarë  me një lajm që na mbush me emocion dhe krenari: #UNESCO ka dhënë rekomandimin zyrtar që Lugina e Vjosës të shpallet Rezervat Biosfere

Është më shumë se një vlerësim ndërkombëtar — është njohja ndaj bukurisë së egër të Vjosës, mirënjohja për njerëzit e atyre trevave që jetojnë në harmoni me natyrën dhe për përpjekjet e përbashkëta në mbrojtjen e lumit të fundit të egër të Europës.

Dhe asgjë nuk ka ndodhur rastësisht, por vjen pas një pune shumë intensive të Ministrisë së Turizmit dhe Mjedisit dhe Agjencisë Kombëtare të Zonave të Mbrojtura, nga vizita e parë e Drejtoreshës së Përgjithshme të UNESCO-s Audrey Azoulay në Vjosë në shkurt 2023, e deri te puna e palodhur e specialistëve të zonave të mbrojtura që ndoqën çdo hap me përkushtim e profesionalizëm.

Vjosa sot nuk është vetëm lumi, por është MODELI i zhvillimit të qëndrueshëm, ku natyra frymëzon ndërsa në shtator të këtij viti pritet miratimi përfundimtar nga Këshilli i Rezervateve të Biosferës të UNESCO-s për përfshirjen e Vjosës në listën e pasurive botërore si një himn për natyrën dhe për njerëzit”, shkruan Kumbaro./ CNA





Lajmet e fundit nga