Mbi librin “Përplasje gjigantësh”

17 Maj 2025, 09:54, Kulturë CNA

Shkrimtari, prof. dr. Spiro Vasil Mëhilli, në kuadër të 80-vjetorit të Luftës së Dytë Botërore, ka sjellë për lexuesin librin me dy vëllime “Përplasje Gjigantësh - Lufta II Botërore”.

Mbi librin “Përplasje gjigantësh”

Në 810 faqe, të ndara në XVI kapituj, lexuesi do të gjendet para faktesh se cilat ishin shkaqet që çuan në atë përplasje të madhe që i shkaktoi njerëzimit 50-52 milionë viktima dhe ndoshta më shumë të plagosur e invalidë, qytete të rrënuara e deri të rrafshuara mbi tokë, si dhe miliona refugjatë në vendet e tyre, që do të ndesheshin me pasojat katastrofike deri në rimëkëmbje.

Mbi librin “Përplasje gjigantësh”

Sipas autorit, kush më shumë e kush më pak, fajtorë kryesorë në Europë janë Gjermania Naziste dhe Bashkimi Sovjetik të joshur nga Traktati Ribbentrop-Molotov, që autori në librin e tij e quan Traktati Stalin-Hitler dhe Japonia e etur për pushtime territoresh, duke sulmuar Shtetet e Bashkuara të Amerikës. Ky libër, është dhe një thirrje për vigjilencë nga shtetet./ CNA