web counter
LEXO PA REKLAMA!

SHKARKO APP

App Store
Google Play

“Zai Fundo nga të parët që ka hedhur idenë 'bashkim në diversitet'”/ Çeçe: Një hero që i kalon caqet e heroit kombëtar

16 Maj 2025, 15:36, Kulturë CNA

“Zai Fundo nga të parët që ka hedhur idenë

Pedagogia e Departamentit të Gjuhës dhe Letërsisë, Elona Çeçe, në një reagim për CNA tha se Zai Fundo është një nga figurat e para që ka hedhur idenë e “bashkimit në diversitet”.

Më tej, Çeçe deklaroi se Zai Fundo mbetet një burim frymëzimi dhe një hero që kalon caqet e heroit kombëtar.

“Personalisht kisha dëgjuar për këtë personalitet, por nuk isha thelluar për ta njohur atë. U bë shkak kjo veprimtari që po organizohet për të përkujtuar këtë person që të shtoj njohuritë. Konkretisht në këtë kumtesë që unë do mbaj sot në Simpoziumin Shkencor, i jam referuar një romani nga shkrimtarja Laureta Petoshati, 'Rikthim në Vento Tene', ku personazhi historik i Zai Fundos paraqitet në detaje dhe përfaqëson jo vetëm elitën intelektuale të Shqipërisë, por dhe më gjerë. Fakti që këta njerëz u sakrifikuan në emër të një kauze të madhe siç ishte liria, pavarësia dhe zhvillimi i Shqipërisë apo dhe më gjerë siç kishin idetë për lidhjen ballkanike, apo më gjerë për Bashkimin Europian, sepse Zai Fundo është nga të parët që ka hedhur idenë 'bashkim në diversitet', që e gjejmë si term në materialet për të cilat punohet në kuadër të integrimit europian. Zai Fundo mendoj se mbetet një burim frymëzimi. Ai është një hero që i kalon caqet e heroit kombëtar, por mbetet një figurë ndërkombëtare sepse ai sakrifikoi në emër të një ideali të madh”, tha Çeçe./ CNA





09:11 Kulturë Agim Xhafka

DOKTORESHA

Elsa herë pas here shkon te prindërit. Tashmë ata kanë hyr...

14:28 Kulturë Boris Miska

Fustani i altarit!

Zanës i ra telefoni nga dora, u mbajt te kanapeja pranë dh...

09:41 Kulturë Agim Xhafka

KUZHINA ME VELA

Mëngjesi i sotëm në kafe me shokët e zyrës u çel me një bi...

Lajmet e fundit nga