web counter
LEXO PA REKLAMA!

SHKARKO APP

App Store
Google Play

E fundit!

x

"E kam mësuar që Llazari është vrarë nga partia kur kam qenë 14 vjeç"/ Mbesa e Zai Fundos: Babai dhe mamaja nuk na flisnin për të

16 Maj 2025, 17:15, Kulturë CNA

"E kam mësuar që Llazari është vrarë nga partia

Në simpoziumin e sotëm "Llazar Fundo - figurë e shquar e mendimit shqiptar dhe europian", ka qenë e pranishme dhe mbesa e Llazar Fundos, Elisaveta Fundo Poçari.

Në fjalën e mbajtur, mbesa e Llazar Fundos tregoi se nuk e njihte xhaxhain e saj dhe deri në moshën 14-vjeçare nuk e dinte që ai ishte pushkatuar.

Më tej, Elisaveta Fundo Poçari tregon se e ka marrë vesh historinë e xhaxhait të saj, Llazar Fundo në gjimnaz nga një bashkëmoshatarja e saj.

“Unë kam mbetur e vetmja mbesë, nuk ka njeri tjetër. Llazarin nuk e kam njohur, kam qenë fëmijë kur ai ishte dënuar dhe nuk jetonte këtu në vendin tonë. Babai dhe mamaja nuk na flisnin kurrë për këtë xhaxha. Mund t’iu duket çudi që unë e kam mësuar që Llazari është vrarë nga partia kur unë kam qenë 14 vjeç dhe vajta në gjimnaz. Sa hymë në vitin e parë në gjimnaz, bëmë  mbledhje që të hynim në rini. Nxënësit që më njihnin mua në shkollë. Kur u bë biografia ime, kisha shkruajtur që babai im është një tregtar i mesëm, nuk është i dënuar, se këto gjëra dija dhe kështu qe e vërteta për babanë tim. Një nxënëse jo nga shkolla ime, u ngrit dhe tha: Elisaveta nuk na e tha mirë biografinë, se ajo ka një xhaxha të pushkatuar. Ndaç besoni, ndaç jo, por unë në moshën 14 vjeç kam marrë vesh që kam pasur një xhaxha. Patëm siklete, se nuk studiuam, por prapë ne e kaluam. Bëra gjimnazin, hyra në ndërmarrjen e qilimave dhe kisha shumë shoqe të mira. Aty mësova si të punoj, si të jem e fortë dhe të përballoj çdo gjë në jetën time”, u shpreh mbesa e Zai Fundos./ CNA





09:11 Kulturë Agim Xhafka

DOKTORESHA

Elsa herë pas here shkon te prindërit. Tashmë ata kanë hyr...

14:28 Kulturë Boris Miska

Fustani i altarit!

Zanës i ra telefoni nga dora, u mbajt te kanapeja pranë dh...

Lajmet e fundit nga