web counter
LEXO PA REKLAMA!

SHKARKO APP

App Store
Google Play

E fundit!

x

Ul siparin Festivali Folklorik i Gjirokastrës/ 8 net plot ngjyra, 1200 artistë dhuruan emocione të jashtëzakonshme

3 Korrik 2023, 08:22, Kulturë CNA

Ul siparin Festivali Folklorik i Gjirokastrës/ 8 net plot ngjyra, 1200

Pas tetë viteve mungesë, ka ulur siparin edicionini i 11-të i Festivalit Folklorik Kombëtar të Gjirokastrës.

Kalaja e Gjirokastrës ishte ajo që mirëpriti artdashës të muzikës tradicionale, por edhe turistë të shumtë dhe qytetarë, të cilët kanë shijuar 8 net të Festivalit.

Nata e fundit ishte një shfaqje që bëri bashkë Kosovën dhe Shqipërinë me këngë e valle të krahinave shqiptare.

Mbrëmja u mbyll me performancat e Ansamblit të këngëve dhe valleve popullore të Shqipërisë dhe Ansamblit “Shota” të Kosovës.

Dy ansamblet performuan si një trupë e vetme, këngë e valle të krahinave të ndryshme.

Të ftuar në natën përmbyllëse të Festivalit Folklorik të Gjirokastrës ishte edhe "La nuova Orchestra italiana di Renzo Arbore", grupi italian që prej 32 vitesh i bën jehonë muzikës tradicionale napolitane.

Për tetë net radhazi, 1200 artistë dhuruan emocione të jashtëzakonshme duke përcjellë vlerat e muzikë, traditës dhe folklorit shqiptar.

Emocione të veçanta kanë dhuruar edhe artistët e vegjël, të cilët kanë qenë të shumtë në numër në këtë edicion.

Për më tepër shihni disa nga momentet më kulmore të këtij edicioni të 11-të të Folklorit Kombëtar të Gjirokastrës që mblodhi turistë dhe vendas./ CNA





Lajmet e fundit nga