E fundit!

18:07 Kosova & Bota

“Koha për ta çuar në vijën e finishit”/ Marta Kos njofton hapin e rëndësishëm të Malit të Zi në rrugën drejt BE-së

Komisionerja europiane për Zgjerim, Marta Kos ka bërë me d...

“Shqipëria, Maldivet e Evropës”/ Afro 10 milionë turistë përgjatë 2023-shit

2 Janar 2024, 08:30, Kulturë CNA

“Shqipëria, Maldivet e Evropës”/ Afro 10 milionë

Viti 2023 ishte "i artë" sa i takon turizmit. Sipas përllogaritjeve të bëra nga Ministra e Turizmit, gjatë 12 muajve në vendin tonë kanë mbërritur thuajse në rreth 10 milionë turistë, shifër kjo historikë për vendin tonë.

Shqipëria përjetoi vitin e saj më të mirë turistik në historinë e pas tranzicionit. Nga veriu në jug, në plazhe, në mal, në qytetet historike, në bare e restorante, kudo ndesheshe me turistë nga kombe të ndryshme.

Të dhënat e INSTAT tregojnë se hyrjet e shtetasve të huaj në vendin tonë vetëm gjatë muajit gusht që ishte kulmi i sezonit turistik, ishin në shifrën e rreth 2 milionë shtetasve të huaj, ose 18.3% më shumë sesa gushti i një viti më parë. Fluksi në rritje i shtetasve të huaj nisi që nga qershori me mbi 1 milionë hyrje, për të arritur në 1.77 milionë në korrik dhe duke e kaluar për herë të parë pragun e 2 milionëve në gusht.

Të dhënat e INSTAT treguan se në gusht 2023, numrin më të lartë të hyrjeve të shtetasve të huaj në Shqipëri e kishte Evropa me 1.951.489 shtetas, pasuar nga Amerika dhe Azia Lindore/Paqësori, përkatësisht me 40.106 dhe 12.335 shtetas.

Të dhëna të tjera të Ministrisë së Turizmit bëjnë të ditur se shtetasit nga Kosova vijojnë të zënë pjesën më të madhe të hyrjeve në Shqipëri, me rreth një të tretën. Këtë vit, për herë të parë italianët kaluan të dytët me rreth 10%, të ndjekur nga vendet e tjera të rajonit, Mali i Zi e Maqedonia e Veriut. E teksa të huajt vërshonin drejt Shqipërisë, jo të pakët ishin shqiptarët që zgjidhen të kaloni pushimet jashtë vendi.

INSTAT raportoi se daljet e shtetasve shqiptarë nga territori i Shqipërisë, gjatë muajit Gusht 2023 ishin 842.940. Krahasuar me Gusht 2022, ky tregues është rritur me 8,9%.

Gjatë dy dekadave të fundit, kontributi i sektorit të turizmit dhe udhëtimit të Shqipërisë në produktin e brendshëm bruto (PBB) të vendit është rritur në mënyrë të vazhdueshme dhe ka arritur në më shumë se 10%. Çka ka rritur shpresat që turizmi të rris më tej edhe zhvillimin ekonomik, duke krijuar vende pune dhe duke gjeneruar të ardhura.

Duke parë prapa, viti 2019 ishte viti më i mirë i Shqipërisë për turizmin, me 6.4 milionë vizitorë të huaj dhe 2.3 miliardë dollarë të ardhura sektoriale. Mirëpo pandemia COVID-19 i preu hovin turizmit në Shqipëri dhe jo vetëm, për t’u ringritur në shifrën më të lartë të arritur ndonjëherë në 202, referuar kësaj e ardhmja dukej premtuese./ CNA