E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Viola Gjyzeli, 13-vjeçarja shqiptare që do të na përfaqësojë në Eurovizionin për fëmijë

26 Nëntor 2023, 14:05, Kulturë CNA

Viola Gjyzeli

Viola Gjyzeli është 13-vjeçarja nga Durrësi që do të përfaqësojë Shqipërinë në Eurovizionin për fëmijë. Në një intervistë për "Euronews Albania", Viola ka thënë se gjithçka nisi 6 vite më parë, kur ajo ishte vetëm 7 vjeçe, por me ëndrra të mëdha për muzikën.

“Në fillim fare kam ndjekur motrën time, sepse dhe ajo këndon e unë kam ndjekur hapat e saj”, -tha Viola Gjyzeli.

Viola nuk e ka pasur aspak të lehtë rrugën drejt muzikës pasi ajo ka marrë pjesë në konkurse kombëtare e ndërkombëtare, ndonjëherë duke lënë pas dore edhe pasionet e tjera.

“Shpeshherë jam mërzitur, sepse për shkak të këngës më duhej të lija stërvitjen, por i kam rikuperuar e do vijoj ta bëj, do ta ndjek dhe basketbollin dhe muzikën”, - është shprehur Viola Gjyzeli.

Sfida e radhës është Eurovizioni për Fëmijë, një festival tek i cili Viola do të përfaqësojë Shqipërinë, por pa mbështetjen minimale nga kjo e fundit.

“Prindërit e Violës janë shumë të dedikuar në të realizuarit të ëndrrave të Violës. Na duhet ta pranojmë, që ka një kosto monetare aspak të vogël në momentin që ti del jashtë Durrësit dhe punon në studio që kanë një standard. Bëhet fjalë për çmime që e kalojnë trefishin e rrogës minimale të një familjeje shqiptare, prandaj nuk është një investim i vogël. Dhe duke qenë që sot ne po flasim për një kompeticion që i kalon kufijtë lokalë, normalisht që ka nevojë edhe për mbështetjen institucionale, qoftë edhe vetëm vëmendje. Pushtetin që ka reklamimi nga një institucion nuk e ka kurrë pushtetin që ka reklamimi nga një individ. Normalisht, kur ankohemi në fund për atë renditjen që marrim, harrojmë që kemi qenë ne të parët që nuk kemi reklamuar sa duhet këtë përfaqësimin tonë. Unë jam e bindur që një pjesë shumë e madhe as nuk e dinë fare se cila është kënga që e përfaqëson këtë vit Shqipërinë.” - ka thënë mësuesja e Violës.

Viola konkurron në Eurovizionin për fëmijë me këngën “Bota ime” në festivalin e këtij viti, që do të mbahet më 26 nëntor në qytetin e Nicës me 16 shtete pjesëmarrëse. Kënga është shkruar nga Enis Mullaj dhe Eriona Rushiti./CNA