web counter
LEXO PA REKLAMA!

SHKARKO APP

App Store
Google Play

E fundit!

x

Përcillet në banesën e fundit Zef Deda, i biri: Oh çfarë babe, sot s’di t'i rreshtoj fjalët

25 Nëntor 2023, 14:55, Kulturë CNA
Përcillet në banesën e fundit Zef Deda, i biri: Oh
Jul Deda dhe Zef Deda

Jul Deda, ka mbajtur një fjalim prekës gjatë ceremonisë së përcjelljes së të atit në banesën e fundit.

Duke kujtuar se ç’njeri i jashtëzakonshëm Zef Deda ishte, Juli ka kërkuar që atij ti jepej duartrokitja e fundit pikërisht në teatrin “Migjeni”.

“Ju falenderojmë shumë. Kam dëshirë për të falenderuar Zef Dedën për “Oh çfarë babe”. Një babë i jashtëzakonshëm, bashkëshort i jashtëzakonshëm, gjysh i mrekullueshëm, artist i madh. Nuk e di sa të fokusuar duhet të jemi unë dhe Mario dhe fëmijët tonë për t’i ruajtur emrin e madh dhe të mirë që ka lënë në Shkodër dhe në Shqipëri. Shpresoj të ja dalim, por besoj se një ndihmë e madhe ka për të qenë babai nga lart, duke na mbrojtur dhe duke u lutur për ne se me punën e tij, me moralin e tij dhe me mënyrën si është sjellë, na e ka bërë jetën shumë më të lehtë dhe ma të përballueshme. E falenderoj nga zemra,” – ka thënë Jul Deda.

Jul Deda nuk i ka kursyer falenderimet për gjithë dashamirësit e punës së të atit ndërsa falenderoi kolegët e babait për shembullin që kanë krijuar.

“Sot nuk di as si t’i rreshtoj fjalët. Kam dëshirë të ju falenderoj ju, kolegëve të babit, keni dhënë dhe marrë me të pasionin për punën, për njerëzillëkun në radhë të parë. Jeni një brez që i keni ruajtur marrëdhëniet njerëzore, ne nuk e kemi sot. Jeni shembull për ne. Falenderoj publikun e tij. Do kisha dëshirë, meqenëse sot është fizikisht për herën të fundit në teatrin “Migjeni” t’i dhurojmë një duartrokitje të fundit në ambientet e këtij teatri” – tha ai.

Kolegë, miq e qytetarë të shumtë i kanë dhënë duartrokitjet e fundit Mjeshtrit të Madh, Zef Deda në ambientet e teatrit “Migjeni” ku ai punoi për vite të tëra duke sjellë personazhe që mbahen mend për batutat dhe mimikat e jashtëzakonshme./ CNA

 





09:26 Kulturë Agim Xhafka

PËR GJERMANI, SHOFER!

Leksi u çua herët në mëngjes. Duhej të kapte furgonin ...

10:30 Kulturë Besnik Bakiu

Shtetari dhe shkrimtari

Para disa kohësh isha i ftuar në promovimin e librit të Ah...

Lajmet e fundit nga