web counter
LEXO PA REKLAMA!

SHKARKO APP

App Store
Google Play

Ju kujtohet teatri?

14 Dhjetor 2023, 20:44, Kulturë Bashkim Zahaj
Ju kujtohet teatri?
Foto ilustruese

Ju kujtohet?

Ju kujtohet teatri? Kur mbushej holli ngadalë në dimër me aromë palltosh të lagështa që dorzoheshin te zonja e garderobës e ashtu si nën zë salutoheshim me njëri-tjetrin ? Shtrëngonim duart e prezantonim pertnerin mes artistësh duke hedhur romuzë gjith delikatese? Ju kujtohet? Po nën zë përmendnim emrat e artistëve të natës që ishin sebepi i ardhjes sonë? Sa bukur. Ashtu ne pëshpërima hynim në sallën vishnje në gjys eresirë për të gjetur radhën dhe karrigen fatlume që na priste.

-Këtej zotri- përlutej punonjësja e sallës me një elektrik dore.

Ju kujtohet? Ju kujtohet rradha shtatë ? Radha e artistëve të ftuar , së si zgjateshim ti shikonim me admirim e kureshtje? Të mëdhenjtë. Të magjishmit që na bënin të ëndëronim, ju kujtohet?

Po kur fikeshin dritat? Oh, kur fikeshin dritat . Magjia kishte zbrit në tokë. Sipari , perdja e rëndë kadife hapej ngadalë dhe…. jo ska mundësi…. në skenë bintë borë, po po dëborë. Ju kujtohet ? Koha kur gruaja ju shtrëngonte më tepër në krah e thoshte ngadalë “filloi”…e ti ndjeje aromën e frymës si të vinte nga thellësia e skenës …

O zot ! Ju kujtohet? Ju kujtohet besoj kur skena rrotullohej e shfaqeshin aktorët në një reze drite e kur në sfond dëgjohej flauti….?

Eh..! Teatri.

Ju kujtohet? Teatri qe quhet teatër, jo kopja. Teatri i vërtetë ku aktori në fund qante a djersinte mes tufës me lule që i jepte publiku, tatri ku regjisori e stafi përuleshin deri përtokë, teatri që skish fund duartrokitja deri sa salla boshatisej e u ktheheshim po prap palltove të lagështa të sporteli . Ju kujtohet?

Ju kujtohet kur hapeshin dyert e jashtë binte borë e prëj dere dilte një shtëllungë avulli a ndjenjë e një mrekullie që e krijonte vetëm teatri. Teatri i vërtetë, ai origjinali. Teatri.

 





Lajmet e fundit nga