web counter
LEXO PA REKLAMA!

SHKARKO APP

App Store
Google Play

Muralja me elemente patriotike/ Mësuesi krijon punimin e veçantë për festat e Nëntorit

29 Nëntor 2023, 17:38, Kulturë CNA

Muralja me elemente patriotike/ Mësuesi krijon punimin e

Islam Bakollari, mësues në shkollën 9-vjeçare të Dardhasit në Pogradec, ka realizuar muralen me elementë patriotikë në këtë 29 Nëntor.

Ai ka menduar prej vitesh për realizimin e kësaj vepre, ndërsa i është dashur një punë voluminoze me shumë pasion.

Zona e Gorës është ajo që ka përzgjedhur mësues Lamja, siç njihet në emrin artistik, dhe ka pikturuar elementë kombëtarë e patriotikë të kësaj zone.

"Guri i Kamjes" monument natyre, Kulla e Dërdushës, ndërtim karakteristik i zonës, si edhe "Ura e Niçës”, monument kulture, janë tre elementët që ka përfshirë në këtë murale.

"Kjo ide ka qenë në mendjen time e në shpirtin tim. Kam bashkëpunuar me drejtorin e shkollës dhe një donator të zonës. Zona e Gorës është shumë e shtrirë në sipërfaqe duke filluar këtu dhe mbaron në malet e Valamarës dhe ka një histori shumë të bukur, ku lidhen disa komponentë si historia, tradita, e kultura. Ne jemi zona e Gorës, këtu janë tre elementë duke filluar me Gurin e Kamjes, kemi një monument natyre dhe tre monumente kulture. Guri i Kamjes dihet. Monument kulture është Kulla e Ismail Dërdushës, e pasur me histori. Element i dytë është Ura e Niçës sepse Niça ka dy monumente kulture, urën dhe kishën e saj. Këtu është një pjesë simbolike e urës, ndërsa në krahun tjetër do jetë një figurë komplekse dhe shumë e fuqishme e historisë së zonës tonë dhe Kajo Babjenit. Më pas në një pjesë do punohet për Lisin Gorar, quhet lisi i kapedanëve, qendra do të jetë Guri i Kamjes i cili është dhe monument natyre. Mbi të do të vendoset simboli pellazgo - ilir, e theksoj këtë, simboli i shqiponjës."

Në krye të murales qëndron edhe flamuri kombëtar, në këtë 111-vjetor të Pavarësisë, ku tashmë shkolla 9 vjeçare e Dardhasit ka fatin të ketë pjesë të saj një murale që do t'i transmetohet brezit të ri./ CNA TV





09:26 Kulturë Agim Xhafka

PËR GJERMANI, SHOFER!

Leksi u çua herët në mëngjes. Duhej të kapte furgonin ...

Lajmet e fundit nga