web counter
LEXO PA REKLAMA!

SHKARKO APP

App Store
Google Play

E fundit!

x

Mbi 100 role në ekran dhe në teatër/ Karriera e gjatë e Arben Dervishit

12 Prill 2026, 12:01, Kulturë CNA

Mbi 100 role në ekran dhe në teatër/ Karriera e gjatë e

Aktori i njohur i humorit, Arben Dervishi ka një kontribut të jashtëzakonshëm dhe një karrierë të gjatë dhe të suksesshme në teatrin dhe ekranin shqiptar.

Dervishi ka lindur në Korçë më 11 prill të vitit 1963 dhe dje ka festuar 63 vjetorin e tij të lindjes.  Ai përfundoi studimet e larta në Akademinë e Arteve në vitin 1988 për aktor dhe menjëherë më pas u emërua në Estradën Profesioniste të Korçës, ku shpejt u bë një nga figurat kryesore të skenës së humorit.

Gjatë karrierës së tij, ai ka interpretuar mbi 100 role në skeçe dhe forma të shkurtra dramaturgjike në teatrin e varietetit, në shfaqje si “Pse të mos qeshim”, “Vesh më vesh”, “Si t’ia vemë emrin”, “Qyteti i ëndrrave”, “Na falni për vonesën” dhe “Ku e lamë fjalën?”.

Ai është dalluar gjithashtu në materiale humoristike si “Gjykata e Kasacionit”, “Bishti i shqiptarit”, “Materniteti”, “Polici” dhe “Sokakët e të marrëve”.

Në komedinë “Jovan Bregu refugjat” (1998), Dervishi interpretoi rolin kryesor të Jovanit, një personazh mburravec dhe komik, ndërsa në komedinë “Zonjusha 39 vjeçe” spikati në rolin e Nikut.

Ai ka qenë pjesë edhe e programit të njohur televiziv “Portokalli” në Top Channel, ku u dallua sidomos me rolin e banakierit. Në fillim të viteve 2000 emigroi në SHBA, por vazhdon të jetë i angazhuar herë pas here në projekte artistike në Shqipëri./ CNA





09:19 Kulturë Agim Xhafka

ËMBËLSIRA MBI DOLLAP

Nuk di se ç’ëmbëlsirë shërbehet për drekën e Bajramit, por...

Lajmet e fundit nga