E fundit!

11:43 Aktualitet

Vrau me thikë fqinjin/ Gjykata e Durrësit cakton masën e sigurisë për 25-vjeçarin

Gjykata e Durrësit ka caktuar masën e sigurisë “arrest në ...

“Zorba-The Greek”/ Koncert me muzikën e kompozitorit të njohur Mikis Theodorakis, premierë në Tiranë

26 Mars 2026, 21:45, Kulturë CNA

“Zorba-The Greek”/ Koncert me muzikën e kompozitorit të

“Zorba -The Greek”, kështu titullohet një koncert i veçantë me muzikën e kompozitorit të njohur grek Mikis Theodorakis që vjen si event premierë në skenën e TKOBAP-së.

Koncerti është konceptuar si një udhëtim përmes cikleve më të njohura të krijimtarisë së kompozitorit Theodorakis dhe sjell pjesë nga ciklet “Axion Esti”, “Epitafios”, “Epifania”, “Ta Lyrika” dhe vepra të tjera, të mbështetura mbi poezinë e ndjerë të poetëve të mëdhenj grekë si Odysseas Elytis, Yannis Ritsos, Tasos Livaditis e të tjerë.

Mbrëmja koncertore është ideuar si një sjellje në skenë e shpirtit të gjallë të Greqisë përmes një universi sa artistik dhe intim, aq edhe madhështor.

Premiera në TKOBAP vjen me interpretimin e artistëve, si baritonit solist, Artur Vera dhe pianistes Etrita Ibrahimi, gjithashtu me praninë e veçantë të instrumentit simbol të muzikës greke, buzukut, interpretuar nga Panagiotis Lympanovnos, si dhe me interpretimin e poezive nga aktori Xhuliano Brisku, kjo mbrëmje merr formën e një rrëfimi të vërtetë artistik.

Mikis Theodorakis cilësohet si një nga personalitetet më të rëndësishme të muzikës greke.

Në moshën vetëm 12 vjeçare, ai kompozoi veprën e tij të parë muzikore, ndërsa në moshën 17 vjeçare dha recitalin e tij të parë në Tripoli me veprën e tij “Cassiani”.

Theodorakis ka kompozuar ndoshta ritmin më të njohur grek në botë, të ashtuquajturin syrtaki nga filmi “Alexis Zorbas” (1964), ndërsa këngët e tij u interpretuan nga artistë të famshëm, si Beatles, Shirley Basei dhe Edith Piaf.

Koncerti vjen edhe si një kujtesë për kompozitorin, që u nda nga jeta në vitin 2021 në moshën 96-vjeçare./CNA