web counter
LEXO PA REKLAMA!

SHKARKO APP

App Store
Google Play

Dokumenti-Si grupi komunist i Korçës akuzonte Zai Fundon si tradhtar

4 Shkurt 2024, 19:11, Kulturë CNA
Dokumenti-Si grupi komunist i Korçës akuzonte Zai Fundon si tradhtar
Zai Fundo

Në numrin e dytë të buletinin “Përpara” të grupit komunsit të Korçës në vitin 1938 jepen disa orientime se, cila do të ishte propaganda e tyre në strukturat e grupit.

Midis 8 porosive bie në sy emri i Zai Fundo( Llazar Fundo), u bashkua me fashizmin.

Kjo është propaganda e grupit komunist të asaj kohe ndaj Zai Fundos, ndaj një njeriu që ishte një nga filozofët dhe idealistët e së majtës të cilin e kishin shpallur tradhtar pasi, Fundo kishte parë në Moskë tmerr nga krimet e Stalinit dhe ishte dënuar me vdekje nga kominterni pas përplasjeve që kishin ndodhur mes Stalinit dhe Broz-kit.

Dokumenti thotë se Zai Fundo kish tradhtuar me fashizmin, në fakt, një vit më pas Zai Fundo në maj të vitit 1939 arrestohet nga milicia fashiste dhe internohet për 5 vite në Ventotene.

Dokumenti-Si grupi komunist i Korçës akuzonte Zai Fundon si tradhtar

Pra, koha vonoi por nuk harroi që të rrëzonte propagandën komuniste se Zai Fundo i kishte tradhtuar me fashistët pasi këta të fundit e kishin arrestuar si komunist ndërsa propagandistët një pjesë tradhtuan rrugës dhe një pjesë u bënë persekutorët e shqiptarëve.

Një tjetër tezë që rrëzon këtë dokument por dhe propagandën e kohës është vetë diktatori Enver Hoxha i cili në veprën “Kur Lindi partia” dhe në veprën “23”, thekson se për herë të fundit Zai Fundon e kishte parë në 7 prill të 1939  kur përpara Bashkisë së Korçës, në një fjalim plot pathos kërkonte armë për të luftuar fashizmin .

Pra, Zai Fundo, njeriu që kërkonte të luftonte me armë fashizmin, njeriu që u arrestua dhe u internua nga personat e parë fashistë në Shqipëri, sipas dokumentit që ne publikojmë thuhej se grupi komunist i Korçës e kishte tradhtuar me fashizmin.

Në fakt, Zai Fundo ka qenë një komunist që më pas u kthye në një filozof social-demokrat të cilin e pushkatuan komunistët me urdhrin e dhënë nga Enver Hoxha për brigadën e 5 sulmuesve që ekzekutoi me vdekje Zai Fundon nw 30 shtator 1944, si tradhtar të komunizmit.

E vetmja tradhti e Fundos ndaj komunistëve ishte se nuk u bw me linjën kriminale staliniste dhe në internim në Ventotene ishte një nga firmëtarët e “Il manifesto del Ventotene”, i cili është guri i parë i themelit për Europën e sotme të bashkuar, një ide e shkruar dhe firmosur edhe nga Llazar Fundo, nga Alterio Spinelli, i cili quhet Il Padre del Europa , ish-Presidenti i mëpasshëm i Italisë, Sandro Pertini dhe disa ikona intelektuale shqiptare midis tyre Zef Malaj e të tjerë.

Për komunistët e Enver Hoxhës, intelektuali Llazar Fundo kishte tradhtuar me fashizmin.Fashistët e arrestojnë dhe internojnë. Pas kapitullimit të Italisë Llazar Fundo rikthehet në Shqipëri dhe ekzekutohet pa gjyq me urdhër të Enver Hoxhës.

Një histori sa tragjike aq edhe domethënëse për faktin që tregon se si propaganda sulmonte, godiste dhe nxinte thjesht dhe vetëm për të goditur intelektualët dhe për luftë të brendshme politike.

Në testamentin e Llazar Fundos përpara pushkatimit thuhet: "Komunizma që ne idealizonim si krishti për nga ligësitë ia kalon dhe djallit. Kam qenë komunist por s’do vdes kurrë i tillë."

Djalli komunist me ligësitë  e kohës e kishte shpallur tradhtar tek fashistët, ata e shpallën armik si komunist, në fund e pushkatuan bijtë e doktrinës që Fundo kishte idealizuar./ CNA





Lajmet e fundit nga