web counter
LEXO PA REKLAMA!

SHKARKO APP

App Store
Google Play

E fundit!

x

Artistja polake realizon muralen në pikën doganore të Kapshticës: Gjithçka është perfekte!

18 Qershor 2024, 12:29, Kulturë CNA
Artistja polake realizon muralen në pikën doganore të
Maria-Rosa Szychowska

Maria-Rosa Szychowska është artistja polake, e cila po realizon muralen në fasadën e godinës në pikën kufitare e doganore të Kapshticës. 

Në një intervistë për CNA TV, artistja është shprehur se po pikturoon lule margarita. Ajo tregon se puna po ecën mirë, pasi në Shqipëri ka klimë dhe ushqim të mirë. 

"Është piktura ime e parë në Shqipëri, po ashtu edhe vizita ime e parë. Shqipëria është shumë e këndshme dhe e ndiej që njerëzit janë shumë të ngrohtë e mikpritës. Peizazhet janë shumë të bukura, koha është shumë e mirë dhe ushqimi është i shijshëm. Po pikturoj lule, margaritat që i gjen në rrethina, me ngjyra të ndritshme. Kjo për arsye që t'i sjell më shumë ngrohtësi kësaj godine. Koncepti është imi, por projekti është bërë në bashkëpunim me disa dogana, Ministrinë e Kulturës dhe zyrën e kryeministrit. Kam parë të dyja ekstremet, kam ardhur nga Kanadaja ku kam pikturuar në temperatura shumë të ulëta, më pas kam pikturuar në Honduras ku ishte shumë nxehtë, kështu që Shqipëria është në mes të këtyre të dyjave, është perfekte", ka treguar ajo. 

Artistja sqaroi gjatë intervistës se muralja pak a shumë kërkon një javë punë me orare të zgjatura. 

"Pak a shumë muralja e kërkon 1 javë, duke punuar me orë të zgjatura. Kam qenë në Tiranë edhe këtu, më pas do shkoj në Qafë-Thanë. Shpresoj nëse do kem kohë në fund të projektit do ta vizitoj vendin nga pak. Edhe në Qafë-Thanë do të pikturoj murale bazuar në lule. E dashuroj të pikturoj në Tiranë, do të ishte shumë bukur, por kam edhe disa vende të tjera për të pikturuar në muajin korrik. Pasioni ka nisur kur isha shumë e vogël, vizatoja e pikturoja në shtëpi, dhe gjithçka u ndërtua eventualisht. Tani kam shumë vite eksperiencë, disa njerëz thonë që s'mundemi të pikturojmë, por është thjesht mungesë e praktikës", u shpreh ajo./CNA 

Artistja polake realizon muralen në pikën doganore të
Muralja e realizuar në Kapshticë

 





Lajmet e fundit nga